June 10 ni kipan Mualgam kipawlna UNFC in Myanmar Army kapkik ding cih thu tawh kisai, UNFC Asst, Secy. Col. Khun Okka in hih thu pen ataktak mah hi ci in, Radio Free Asia te kiangah May 17, 2012 ni in kipsak thu gen khia hi.
" Hih thu pen nungkum December pek pan a policy kinei khin hi, ahihhangin UNFC sungah muhdaan kibatlohna khenkhat omlai ahihman a thukhensatna om thei paklo hi. Tutung in bel June 10, 2012 beima a Myanmar Army in Kachin gam sim uh akhawl kei leh, UNFC in hiamkham ceasefire kithukimnate a omlo banga ngaihsun dinga, tuama kikaplai dinmun tungkik thei ding hi." ci hi.
Nidangin Mualgam teng pen National Democratice Front-NDF ci in kipawlkhawm ngei a , ahihhangin KIA, MNSP, SSA leh mualgam kipawlna dang ten Myanmar tawh ceasefire hiamkham laksan uh ahihmanin, Karen KNU bek in dolai a, KNU pen Myanmar Army in buakhuan ahihmanin, KNU in supna baina tampi tuak lawh ahihi.
Tutungin Myanmar Army in KNU leh adang teng kilemzualna bawlpih pak in KIA buakhuan leuleu uh a, tulaitak KIA bek in Myanmar Army dodal lai suak hi.
Myanmar Army te i Kawlngian tawh khem thuakthuak nawnlo a, UNFC in June 10 khit teh hong kaphuan taktak a leh bel, Myanmar Army tutung buai lawh mahmah kha ding hi.
Diplomacy lam ah zong UNFC makaite nungdeuh in Japan zin uh a, Japan kumpi kiangah mualgamte dinmun hilhcian uh hi. Asawtlo in zong nitumna gamte zin ding uh a, mualgamte dinmun hilhcianna nei ding cih kiza hi.
Zomi tawh kisai UNFC ah ZIA banghang lutlo hiam? cih thu akikancian ciangin, UNFC in Myanmarian Army akap taktak uh leh kithuahmawhna omlo dinga, ahihhangin akap kei uh leh bel, meeting kahkah pong ding bek in bel ZIA te'n hun beisak manloding cih kiza hi.
No comments:
Post a Comment