Tulai Kawl Election Commission in ZNC registration tawh kisai, them khong hong nuh zeuh vua leh, Zomi sung khat leh khat ngawh ding kizong ngeingai tawh, maban bangmah gen nailo a lungkia pah tawh, ai-am a kipei khengkhang tawh, a awi simsim pian tawh, na tu kheukhau pong leng kua'n bang hong cih tam maw? aci tawh, Zogam khawvel buai khengkhang hi.
Zomi min tawh a ding party khat ahihmanin, awlmawh thu i gen ngeingai pen akilawm mah zong ahihi.
Ahihhangin sep ding bawl ding tawh kisai in, muhdaan tuamtuam gelh leh gen ding mah ahihsam hangin, atawpna ah bangci sep taktak ding cih thu ah, ZNC makai leh party te'n bang ta'n commitment nei a, bangciang sepkhiat sawm uh cih Action Plan khat, tangpi tangta theih dinga hong luikhiat ding uh kisam masa zaw ahihi.
Tu ciangciang kizakna ah Party mindang tawh register dingvai kikum ding, cih thu hong thang masa in, anungciangin Zomi mah dinpih tentan ding cih kiza leuleu hi.
Party min khel ding hong khensat sawm uh ahih leh lah adang te'n, va kitulmawh theih luat om khollo hi. Ahizongin Zomi mah dinpih ding acih uh leh bel, koici dinpih sawm cih leh panlak ding daan, ageelnate uh mipi kiangah luikhiat huai hi.
1. Mipi buaisak loa party makai te'n panlak ding daan geelsa aneih uh leh, mipi pumbuaite kiangah " Na lungkham kei un, makai te'n hong vaihawm ding hi." cih khat mipi theihsak huai hi.
2. Tua hilo a gamsung gampua mipi panlakna kisam ding ahih leh zong, hibang hidaan in kisawm in, thusia lasia leh thuakna ding khat peuh hong om leh zong, tuatan ka thuakngam uh in, tuatan kathuakngam kei uh, cih khat hong pulak khia le uh, mipi lam pan zong ommun tek pan kisan daan ding khat hong dawk ding ahihi.
No comments:
Post a Comment