Zomi pih teng,
Zomi leh Zogam vai thupi a om ciangin, mipi in zong awlmawh in kikum khengkhang thei zel hi.
Hibanga vai thupi a om ciangin mi khatpeuh in Seven Day te tona in Voksa thu, Zo leh Zomi vai khong hong luikhiat a leh, tua thu zui in comment pia ngeingai kei un, banghang hiam cih leh mipite awlmawhna ( attention) lampial sak nuam khong uh hi zaw hi.
Gentehna in Zomi Omlo cih akibuai pih laitak in,Zo leh Zomi vai khong hong luikhia dihdih ding uh hi. tuabang mite zong Zo pauke zang taktak khong hi khollo ding a, Zomi deih khatpeuh in puakzen a hong dawngkik ciang, Zo pauke zang khat hong hehlawh dingin, akisailo nih hong kinial gawp ciang, a thutokpa hong gelmang ziau ding hi. Tua pan thupoimawh zong kikum mawh zen a, vailuipi hinsuah kik in kibuai khengkhng thei hi.
Khawdo Mipi Annek laitak mite sungnim nang inntual keu a Ui-ek Keu Tui Kinih Kik tawh kibang hi.
Tua ban ah khatpeuh in Voksa nelote hong phin ding in, alanglam te'n atakpi mah sa in puakzen a hongdawng uh ciang, thutheilo voksa ne khenkhat hong ciaksuk khengkhang dingin thukawng hong kihei leuleu thei hi.
Cihnopna ah Minambup vai thupi hong om ciang, Thein Sein Uital leh Uino te zong Zomi sungah hong kitulmawh mahmah thei uh cih theihhuai hi.
Zonet leh newgroup tuamtuamte kiphuatcil a kipan tuni tan member omlai te'n tel mahmah ding uh hi.
Saipai in pai toto lel ni.
No comments:
Post a Comment