ABSDF Policy

                     

All Burma Students Democratic Front/ Students Army-ABSDF policy tawh kisai, Chairman Pu Than Khe in Tokyo, Japan ah hilhcianna, September 23, 2012 ni in bawl ahihi.

Hih press conference agen bulpi te:

1. Democracy taktak ngah mateng kasem suak lai ding uh hi.
2. Federal Union taktak piang masiah kakhawl  kei ding uh hi.
3. Kawl lak ah akuankhia masa pen ka hih bangun, a ciah nunung pen in ka hi ding uh hi.
4. Mualgam teng in kikap akhawl leh bel, ko zong ka khawl ding uh hi.
5. 5.1994 kumin KIA in ceasfire alak ciang paikhiat hong kul in, tu'n hong zawnkik ahihmanin, kakuan kik uh a, Kachin gam ah 200 ka pha t kikzo ta uh hi.
6. Kawlkumpi in inn hong ciah un, nuntak na ding zong hong vaihawm sak nung cici in hong zawn uh a, tup leh ngim kikumlo pi in, ka mawkciah kei ding uh hi.
7. Mimal in kaciah kei ding uh a, ka ciah uh leh zong apawlpi in kaciah khawm liailiai ding uh hi.

Cihteng pi hi pian hi.

ABSDF pen 1988 zawh ciangin a kiphuan hi in, acilin, 20000 khong pha uh a, Kawlkumpi azol kik saisai leh 8000 val ciahkik uh hi. A om lai teng, Kachin, Shan, Karen leh  mualgam teng ah kizel uh hi. Karen te'n 8000 khong training pia uh a, galvan zong piak leh kawm uh hi. A Free in 2000 val pia uh hi. Kachin gam ah 2000 val tung uh a, Kachin te'n galvan gua'n uh hi.

Communist Party of Burma in galvan 10,000 piaksawm uh a, tua vai in CPB sunga Kokang leh Wa te lungkimlo a paikhia uh ahihi. Galvan teng Wa leh Kokang te'n tangsuak uh hi.

1992 kumin Dr. Naing Aung leh Moe Thee Zun group kitap banah , 2000 kum Bin Laden in World Trade Center hong phut khap uh ciangin, ABSDF zong Terrorist group ah koih uh a, gak ngei uh ahihmanin, lungkiatna tampi om in, member 2000 ah kiamsuk in, atamzaw USA, Australia leh UK, Canada leh Scandinavian gamte ah paikhia uh hi.

Acianlai 2000 te zong anung ciang Naing Aung leh Moe Thee atawp ciang atamzaw tawp uh a, gamdang ah zui uh hi. 300 khong bek cianlai uh a, Pu Than Khe ( MBBS kum nga 5 na) in kaikhawm kik a, hong kipan kik uh ahihi. Tu'n khangthakte lut kikkik ta in, member kibehlap toto kik ta hi. USA in zong agakna khahkol ta a, leitungbup ut bangin zin ziahziah thei ta uh hi.

ABSDF lui hih mana, Green Card ngah theilo niloh Zomi i om leh na President masa pen uh  Tun Aung Kyaw ( Civil Society for Burma) contact un. DC hiam, Maryland hiam, New York khongah om kawikawi hi. Tulaitak Gamsung vavil lai tak hi.

Kawlte lak ah tulaitak mimal in Moe Thee leh apawl in ABSDF bek in Federal gen lai uh hi. Amitma meimuut zel kisam hi.