September 17, 2012 ni Shan Herald Agency for News in report agelhna ah, Kachin Khawpi Laiza kiim teng ah, tu a report gelh laitak mahmah in kikapna nasia mahmah kipan ta ci in gelh hi.
Myanmar Colonial Army in Kachin phualpi laksawm in, galkap tul sawm a simin kaikhawm uh a, Laiza khawpi buluh uh ahihmanin, Kachin Independence Army leh Students Army ( ABSDF) pangkhawm in, nakpi in dodal kik uh cih kiza hi.
ABSDF Commander khat in " Kumpilam pan galkap lubok tampi pha uh a, a cil in thaupi tawh hong gal kapkap uh in, tu'n bel thaupi thauneu cih omlo in, a mi mahmah ka ki phialkap ta uh hi." ci in gen hi.
KIA in zong thaupi tawh thukkik a Kawlgalkapte kithehthang gawp uh in tutan masawn zo nailo uh ci hi. Ma hongsawn lai uh leh, mun khenkhat ah mine tampi kisiah in, mun khenkhat ah a mi mahmah in kipang deaudeu hi ci in tua ABSDF Commander pa in gen hi.
Tulian laitak in Kachin phualpi Laiza leh Bhamo District sunga KIA Camp khat Myanmar Colonial Army in buluh khiat sawm niloh ahihmanin, kikapna nasia mahmah a, alang nih tuakin a si leh liam tam simsim cih kiza hi.
Kachin leh Myanmar akikap zawh kum khat val hun sungin 1800 vei dektak kikap ta uh a, Myanmar Gamkeek Army lulok leh lubok 7000 kiim khong ding asi leh aliam om ta ci hi. Myanmar Army lam agum Myanmar Express Blog in zong, Kawlgalkap sungah meigong hong tam simsim ta ci in gelh uh hi.
September 17, 2012 ni in Myanmarian mipi makai Aung San Suu Kyi, US Innpi te piak Kham Dangka ( US Congressional Gold Medal) sang dingin Washington DC tung a, Aung San Suu Kyi vai khempeuh, tuipi galkai Kachin kipawlna lian pen ahi Kachin Alliance in boycott ( Nuaksan) ding ci in kiza hi. Kachin Alliance in agenna vuah, Suu Kyi pen Kachinte hong thatthat Kawlmang tawh kipawl in, Myanmarian Parliament ah nasem khawm ta uh ahihmanin, Myanmar Kumpi mi in ka muta uh ci hi.
Tua banah Kachin Alliance in Kachin gam ah kami kasate uh , Kawl te'n thah leh bawlsiat a tuak laitak , tuipi-gal-kai Kachin te'n, pawi bawl peuh leh Dangka Ai peuh a, ka na buai luailuai san ding uh, kilawm salo hi ung ci in gen uh hi. Aung San leh Mualgamte kamciam tuni tan tangtung zo nailo ahihmanin, a tanu Suu Kyi in apa kamciam azop ding thupi sa zaw ung ci in pulak uh hi.
Zomi te'n zong hamsatna kawmkal ah Kachin dongtuakte USD.13000 val in, donghu ngei hi.
Zomi te'n zong hamsatna kawmkal ah Kachin dongtuakte USD.13000 val in, donghu ngei hi.
Reference:
Shan Herald Agency for News
Kachin News Group
Myanmar Express
World Zomi Congress
World Zomi Congress
No comments:
Post a Comment