Mipi kipan ta.

                               

                             

Tedim ah September 25, 2012 ni in, Kawlmang bengngongte zak dinga lungphona om ding cih kiza hi.

Thu ki kancianna ah tutunga pen CNF Surrenderees/alinwinte zum khat Tedim, khawpi ah kihong sawm dihdih cih thu pan kipan ahihi.

CNF pen Kawlmang nuiai ah lutsawm ta ahihmanin, mipi te'n deihnawnlo uh a, azum hon ding zong deihlo in, Neipi Taw khawpi a Kawlmang phualpi ah mipi signature 70,000 val kikhak khin napi, Kawlmang in Zomi leh Zogam khetbuk dingin, CNF zangnuam ahihmanin, mipite deihna kizakmawh bawl ahihi.

" Kawlmang Thein Sein, a bilkhem tamlua in , bangmah zalo a, Zomi mipite aw a zak theih nanga, lungphona kibawl sawm hi." ci in upa khat in gen hi.

" Mipi 10,000 val in Thein Sein bilbuuk ah thakhat thu a, awng zuazua kawm a kigen sawm hi." ci in mipi khat in zong gen hi.

" Mipi lungphona Kawlmangin hong kitheihmawh bawl lai leh bel, ZIA lut in Thein Sein bilbuuk ah thaulawn ding hi ing." ci in khangno khat in zong alungsim gen hi.

Tulai tak Kawl-gal-mang te'n  mipi makai lui teng, Mimal  Democracy pia uh a, mipite bel sikciangkhut nuai ah khantawn deeksi dawn theih dingin koih sawm uh hi.

Myanmar gam ah zong,  Bronze sumsan sik pianna Letpadaung Mualpi bup, Myanmar Army regime in China guuk zuak uh a, tua Mualpi dung kiim a teng,  mipi teng hawlkhiat sawm uh ahihmanin, mipite lungkimlo in September 14, 2012 ni in, Nayttone Khua lampi dungah lungphona nei uh hi.

Mipite si ngam in hong kipan ta ahihi.

8888 mipi lungphona zong Aung San Suu Kyi leh Party te patkhiat leh makaih hilo hi, 88 kicite zong mipi te'n alaptoh khiat uh hilel hi ci in, mi tampi in gen ta uh hi. US Obama Adminstration zong kha 2 khong bek hun nei lai uh hi ci in,US ah sawtpi tak a tolte'n ngei Zomi upa khat in gen hi.

 Media khat in a gelhna ah Letpadaung Mualpi vai ah Kawlmang in 88 te Lakh 10 golhguk pia cih kiza hi.

September 25, 2012 Zomi lungphona in Kawlmang bil ah thawn vangvangh ta hen,  ci in deihsak thu i puak hi.