Kachin Thuthang in September 08, 2012 ni report ah, August 29 ni a Phakant Khawpi kikapna a si, Kawlgalkap 140 te luanghawm NLD in siluang va pham sak dinga ngetna , Kachin Independence Army in phallo ci in kiza hi.
August 29, 2012 ni in Kawlgalkap M.A te'n KIA galkapte phin masa uh ahihmanin, leitungbup a suang-eng ( Jade/ Jadedike) hoih pen leh tam pen piangna, Phakant khawpi ah KIA leh M.A nakpi takin kikapna om a, Jade Company khat i suangkapna thauvui kholna innpi KIA in kapkha ahihmanin, tua innpi a kikhol thauvuite puakham a, innpi bel a pang M.A 140 val thakhat thu in si uh hi.
Tua 140 site Myanmar Army in tunitan tawm ngamlo a, NLD party te 'n tawpsak sawm in, KIA Bn.No.06 te kiangah va ngen uh hi. KIA te kidalna line ( defence line) kan a vatawp kul ahihmanin KIA in phallo ahihi.
" Hihmun pen KIA losiah kuamah lut ding kaphal kei uh hi." ci in Phakant township sunga gamtang KIA Bn.No. 06 Commanding Officer-CO Tatyinhmu Major N'hkum Doi La in Kachin News kiangah gen ci hi.
Major pa in Red Cross te losiah Kawl kumpi leh party kuamah lutkhuan kapia kei ding uh hi ci in genbeh lai hi.
Nunglam a report khenkhat kizakna ah Phakant area a suangto namdang company te in, maipha zo'nna in Phakant Area pan KIA te hawlkhia dinga, Myanmar Army va mai-et ngei uh a, tua thuhilhna kawm a, KIA in Operation bawl ci a genzong om ahihi. Tulaitak suangto company te'n nasem ngam nawnlo in, nasemte zong Kachin nusia in ciahciah ta uh cih kiza hi.
Phakant a suang company tamzaw pen Myanmar Army tunga golhguuk pia, Chinese te anungpan sumsik company tam zaw kici hi.
Kachin gamah tulaitak galpiang ahihmanin, Kawl kumpi gumhte ahang kitheilo in, tuasiah pahpah thei zel uh hi.
Phakant kikapna tawh simin KIA leh M.A tuni tan 1700 vei kikap ta ci hi.
No comments:
Post a Comment