Wood Profits: Sing Pu

 Blog Walker khenkhat in politics leh tech tuamtuam zong nong post kawm in, ei Zomi tawh kituak leh  sep theih nek theih pahpah ding khong zong a om leh hong post zel dih ve ci uh ahihmanin, tuadaan lamsang expert kihilo in, gamvaihawmna hoih photphot leh, adangteng in hong zui ding cih upna nei pawl ki hi in, hong hamsa dektak hi.

Gam vaihawmna politics, revolution, leh vai khatpeuh a mipi phattuam nang nasep activism  cih khong, agah pen sum tawh kiteh theihloh hangin, asemte leuleu bel Tedim palik sumdongte pau leh " Kikaih hetlo hi" Makaih Boo Kuah !!! cih ding tawh hong kibang phial ahihi.

Blog gelh khong zong banghang gelhgelh na hiam ? hong kicih ciangin, aphattuam mahmahna khat thei a kigelhgelh hi, cih ding lobuang thudang omlo hi. Kawl laigelh minthang P. Mo Hnin kiangah khen khat in, mipi leh gam khangtoh nangin lai gelhgelh ci'n a, nang lah zawng mahmah ta leuleu , abang ci na hiam? acih uh leh, tua mipi hauh nanga thubulpite ka zonzonna a, kei a ding sem manlo hi ing, cisan ziau  hih tuak hi.

Bangteng hileh National Politics saina ah mipih sapihte mah hong hat hong hau leh, i movement zong hat pan ding ahihmanin, sumbawl paibawlna leh nuntak zongna tuamtuamte zong ki post sawm ta ahihi.

Atunga i gensa thuteng leh, likuaih ( Request) om tawh kitonin, Sing ( Wood) tawh kivakna leh sumbawlna tawh kisai siamsinna khat thu i genkhawm ding ahihi.

Infotraficking kici, pilna, siamna leh thusel tuamtuamte kizuakna Infotraficking Marketplace tuamtuam ah ka zong leh,  Wood Profits cih products khat na om in, tua products in sing leh letamaa nasep tawh kivakna leh sumbawlna lam hilh ahihi. Khut nasep uuk Zomi tampi in zong lunglut kha ding ahihmanin, tua product in bangteng gen cih anuai bangin i taklang hi.

Hih Product pen 2011 kum Home Business Golden Award ngah hi. A laibu leh CD tawh singthu a abul abaal in hong lamlak ding hi. A  website vua agen uh pan a thupite:

1. Sing nasep pen  naseppi na sep kawmin, na hun awl ah inn siiksan in, sinkawm leh nasep kipan thei ding in kibawl hi.
2. Sing siamna lettamaa na theih kei leh kisinna hoihpi khat hi dinga, lettamaa na siam khit leh na sumbawl daan asang zaw ah hong domkangto ding hi. Lettamaa semlo na hih leh zong khutsiamna na neih leh, tua na khutsiamna bangci sumsuah ding cih hong hilh ding hi. Tua ahih kei leh zong na innsung innpua sing vante tawh kisai bawltawm, puahthei ding hi teh.
3. Sing vanzat leh sing tawh kisai himhim aneng atawngin hong hilh ding hi.
4. Hih Product neipa Jim in nazop ni a kipan, email tawh na kisap bangbang hong dawng, hong huh den dinga, tua pen na singvan masa pen na zuak masak ni tan hong panpih den ding hi.
5. Na sing sumbawlna pen Dollar 50 val beilo a, ki koici pat theih cih hong hilh ding hi. Khenkhat in sing nasep pen mun lian pipi, motor buuk cih khong leh vanzat tampi lei pah a, kipat theih bek sa uh hi. Tua pen diklo hi.
6. Na singvan bawl masa pen koici sumsuah masak pen ding cih zong hong hilh ding hi.Hi thu theilo in  kipan na vetvet omlo hi.
7. Na singvan bang zah mansak ding, amet atam theihtheih nang abei koici tuat ding, chte hong hilh ding hi.
8. Bangci vante kikhong diak hia? cih hong hilh ding. Nang tumtak in kan lecin, sum leh hun tampi na bei ding hi. Adiakin Top 10 products te a khilkhil a hong hilh ding.
9. Vanzat leh  singte koi pan, koici lel ding cih hong hilh ding. Hi bekbek in zong dollar tul tampi phatuam pih khin hi teh.
10. Na vanlei ding leh vanzat ding a kipan, vanlei cil ding bulpi Base Group of Customers koici neihkhiat masak ding cih zong kihel hi.
11. Na vanzat hong kilei kikik nang vanleite koici khoi ding.
12. Na kisin sa'n laitak, siam na kisak nailoh kawmkal ah, na sumbawlna a paipai theih nang, hong hilh ding hi.
13. Vanlakna Supplier te kiang pan van kiman tak a ngah theih nangin. ki  koici panlak theih cih zong kihilh ding hi.
14. Na singsai Wood Shop tawh kisai kisam Licence leh Tax tawh kisai , ngaihsutna leh theihnopte hong hilh ding in, sai na hon theih tan , thu kidong thei den ding hi.

Atunga kitaklangte banah a kisam bangbangin, panpih theihna ah hong pan pih ding uh ci hi.

Sing siamna teng thei a, wood shop na hon khit ciangin, na wood shop maban koici sawn toto ding cih zong hong panpih ding uh hi

Tuabanah Wood Shop na hon khit zawh ciangin:

1. Sing kantalaih contract bangci lak ding, sub contract koici piakkhiat ding.
2.  Company Contract te koici zo'n ding. ( Sum meetpi taktak lutna)
3. Na sing service leh vanbawlte Internet ah mitampi theih nang bang cih ding.
4. Nasep Zuakna Trade Shows te pan contract lian pipi koici kaih ding.
5. Tua banah khamkhuukno ( Gold Mine) ahi " Tanglai van" ( Antique Repair and Restoration) zong hong hilh ding hi ung. Hih pen mi tampi in a theihluat nai hetloh uh khamkhuukno khat ahihi.

Ci hi.

Tua ban ah JIm Morgan  in ama sepna pan a,  kikhong penpen sing products nam 500 bawl daan laibu zong bonus in hong pia ding ci hi.

Hih Product pen Inn Siiksan Nasep/Silbawl ( Home Base Job/Business)  lak ah, kisinna bucing mahmah khat kici hi.

Download theih laibu ebook leh MP 3 in zong kingah a, inn mahmah ah laito pan i kikhaksak nop leh zong kingah hi. USD 37 mansak in asunga thute alunglut taktakte adingin, khilkhat zong 37 val man ding a hihi. Leitungbup ah azuak uh ahihman a, tawmman mawkmawk hi lel ahihi.

Manglai theilo te'n bangcih ding cih dotna zong om thei a, tua pen, setzone khatpeuh ahizongin,  lettamaa sang khatpeuh ah ahizongin, va sin hileng, them khong hong lak zualzual pong ding uh in, innlai (homework) tampi hong pia lel tak ding un, tua homework pen ei thu a i kan isep kulin, manglai theihlo te'n dictionary mah i phentawm kulin, hih product pan kisin leng zong tuamah hi in, kilamdang lualo hi.

Alunglut taktak i om leh anuai a amau banner lim pan ki download thei kivel thei hi. Third Party Product kici mi vanbawl khat thu kigen ahihmanin, hih product na lei leh asia apha hih blog in tavuan la dihzen lo dinga, nang leh nang na phatuampih or suppih ding hizaw cih i kitheisak hi.

eBook Download