Nickel Price leh Zogam

Australia Nickel Mine khat

Citigroup Bank in tulai a Nickel tawh kisai thuthangte manlo hi ci in mipi theisakna bawl hi.

Leitungah Nickel man pen February 2012 in ton khat ciangin USD. 20,150 hi in, August 2012 ciangin 15,236 ah kiasuk ci hi.

Hihbanga nickel man hong kiatvatna pen, leitung mun tuamtuam panin nickel tampi market ah hong lut ding cih thuleng om ahihmana,  nickel man kiam gawp hi ci in Citigroup in gen hi.

Citigroup in agenzomna ah Philipine ah nickel apiang hangin, tua leitang sungah nickel percent tawmlua ahihmanin upmawh zah pianglo ding ci hi. Tua banah China leh Indonesia pan tampi hong lut ding akici zong diklo ci hi.

Nickel zatna lam leuleu enleng kahpasik ( stainless steel) bawl te'n 2012 kum a zat dinga akhol uh,  nickel teng huantui gai khin ta phial uh a, aval om khollo ci in Citigroup in gencian lai hi.

Tua banah China in nickel tampi nak zat san mahmah lai banah, USA ah zong construction leh transport sector te'n nickel nak deih san mahmah uh ci hi. Europe ah zong tulaitak kahpasik tawm pian ta ahihmanin, 2013 a ding nickel tampi kisam kik ding  ci hi.

Nickel tampi aliik abak a market ah, hong lut ding kici pern diklo banah, nickel kizatna khang semsem ding ahihmanin, nickel man pen asawtlo in hong khang kik ding hi ci in hih blog pan upna kinei hi.

Zogam Gullu Mual dungah zong nickel tampi om venvan a, tuateng cilphul in Kawl Gutate kisan mahmah uh hi. Nickel hahsiang nangin electric mei tampi kisam a, tua electric mei neilo uh ahihmanin, Chin Dwin guun India zuak uh a,  electric mei laksawm uh ahihi. Atohkhiat nangin technology leh sumbul neilo uh ahihmanin, China te kiangah  ponghzuak uh a,  leitangh man teng Kawlgalkap uliante tu le ta teng kivulh khiat nangin zat sawm uh ahihi.

Atangpi in Nickel ton khat ciangin motor thak khat man tawh kikim ahihi.

Nickel man khangkik ding ahihmanin, Kawl Gutate hong lawp mahmah dinguh a, UI-CITHAK-VEI hongbang ding uh hi.   Zogam nickel teng leina in Zosuan sung makaite leh mipil teng sum themcik tawh asawtlo in hong leisawm ding uh hi.

 Mipite keksa in om  ni.