Sagaing Faultline leh Zogam

 

 Sagaing Faultline i cih pen Kawlgam laizang ah,  mallam pan simlam a kikhungsuk, lei khaangkham pi cihna ahihi. Mallam Kachin gam pan hong kipansuk a, Yangon khua kiang tawnsuk in Andaman tuipi ah lutsuk ahihi.

Sagaing faultline leikhaangpi pen, India leipekpi leh  Eurasia kici Shan gam pan nisuahnalam leipekpi nih kisuktuahna hi in, tua leipekpi 2 te a kiphutkhak cianga ziin ling ahihi.

Hih Sagaing Faultline pen tuma kum 100 khongin, khatvei kiphukha in ziin nakpi'n linga, tattung tampi sia ngei ahihi.

Tu'n kum 100 kiim khong hong cingkik ta ahihmanin, ziinling hong kipan kik ci hi.

 

Thutelkante genna ah tu akipan mailam kum 20 sung khauhna 6-7 kikal ziinpite ling zel ding ci hi. Tua banah Kawlgam laizang lian  tawnsuk ahihmanin, adiakkin kawl khawpi atamzaw tawnkha ci hi. Shwebo-Mandalay-Neipi Taw- Yangon cih bangin, tua ziin maa tungah khawpi lian teng kikhungsuk dieudeu ahihmanin, ziinpi lingmun leh Kawlkhawpi atamzaw hingvuisa suak thei ding kici hi.

Banghang hiam cih leh Kawlgam ah inn leh lote pen cement akipan akisam bangbang  abawlte tuat daan akibawlloin, atamzaw innlamte leh ulian te'n gusim in, sumbawlna in zang uh a haulawh keei uh ahihmanin inn leh lo, lampi leh leite ziinpi lingmun leh athuakzo taktak ding omlo phial kici hi.

Adiakin kawlte khuapi ahi Neipi Taw leh "Yangon diakdiak bang, patauhhuai mahmah kici hi. Ziinlinglo a zong inn leh leite cimcim ahihmanin, ziinpi ling taktak leh tam nungta lo ding ci in mipil te'n gen uh hi.

 Sagaing Faultline tu a sang hong thanuam active zaw leh, Kawl teng Zogam lam khong hong lutgawp thei uh ahihmanin,  Kawlte 80% bang hongpha in, Tibet ah sente atam zawk ta bangin,  Zogam ah kawlte hong lehtam zaw thei ahihm

anin, Sagiang Faultline pen Zomi te'n zong vilbawl leh bildawh den huai ahihi, a cipawl zong om hi. Khenkhat leuleu in bel tuabangin patauh huai kei ee, ziinpi ling taktak leh hong tai man ding zong om tuak kei uh ci in lungmuang mahmah ta leuleu uh hi.

Kuakua in bangteng genta se leh, Zomite i cimang gai zongin,  Buddhist Kawl te'n phamawh hong sakloh uh hangin, Christian Zomi te'n bel unau kawlte khansia mahmah ta se le uh, ziin tawh acimang ding uh bel kideih sak samlo ahihi.

Tua ahihmanin unau kawlte a ding thu ngetsak ciat ni. Christian leh Kawllo teng abawlsiatna uh pan, hong kisik kik in, Niniveih khua bangin pasian hehna pan akipelh nang uh i deihsak ahihi.

Bangteng ici zongin pasian deihna khatpeuh pen, mihingte dalzawh hilo ahihmanin, van a pa thuthu ahihi.