2012 sung Zomi thupiang 10

1. January 28, 2012 ni in Zomi mipi te'n sanggam Kachin dongtuak numei naupang leh mipite panpihna in     USD.13013.95 kipiakhia hi. Hih panpihna sum pen Zomi mipi tangin World Zomi Congress in Kachin Refugee Relief Committee cih phuankhia in mipi tanga nasem ahihi. Sum ngah teng pen USA a om Kachin Culture and Literature Committee khut ah kipiakhia in, asawtlo in KIO phualpi pan lungdamna lai zong hong khakkik uh hi. UNPO News www.unpo.org , Youtube www.youtube.com www.zozum.com
2. WZC in CNF-USDP Hiamkham tawh kisai thusuah bawl hi. Tua thusuah ah Zomi te kitualvaihawmna leh liangko kikimna a kingah kei ding leh, CNF leh USDP kikal kithukimnate WZC leh Zomi mipi te'n kipomlo ding hi ci in kitaklang hi.www.scribd.com 
3. Global Zomi Alliance kici Zomi biakna nasemte makaih Civil Society thak khat, April 27-29, 2012 kikal, Singapore gam Trinity Colledge a kibawl, Zomi siampu khawmpi pan kiphuankhia hi. www.chinlandguardian.com
4. Zomi National Congress register kik  a, ahihhangin Myanmar Regime in "Zomi" omlo acih ban vuah, "National" cih kammal deihlo uh ahihmanin ZNC registration nial uh hi. June 4 ni in, Zomi Nationalities Congress ci in register leuleu in, tuazong Myanmar Regime in nial leuleu ahihmanin, Malaysia leh Autralia ah Zomi te'n lungphona nei hi. Zomi Congress for Democracy min tawh register bawlkik uh a, tuasungin WZC leh Pu Cin Sian Thang kiho in, ZCD zong hong niallai uh leh, leitungbup ah Zomi te'n lungphona nei ding ci in, World Zomi Campaign for Identiy Committee kiphuan hi. July 05, 2012 ni in ZCD min tawh party ding thei ding cih kiza in, tua kipan ZNC pen ZCD mintawh tuni tan ding kik ahihi.
5. World Zomi Congress kum 2 cinna July 04, 2012 ni in kibawl hi. Tuahun ah WZC tup leh ngim ahi Zomi suahtakna, Zomi tanvo, Zomi donghu leh Zomi khangtohna te lenkip suak a, maban zom toto dingin kipsak kikna nei hi. http://www.zozum.com
6. Zomi Independence Army September 10, 2012 ni in kiphuankhia ta hi ci in, Zomi National Defence Committee in thusuah bawl hi. ZIA tawh kisai theihhuaite ahun tawh kituakin, hong kisuah zel ding hi ci in tua thusuak in taklangh hi. www.zolengthe.net
7. A 7 veina Zomi Innkuan USA Khawmpi July 6-7 sung Tulsa, Okklahoma State ah nasia takin kibawlin, Zogam pan ZCD makai Pu Chin Sian Thang Chief Guest zinmang in kihel thei hi. http://www.zomicommunityusa.org , http://www.youtube.com
8. December 05, 2012 ni in India khawpi New Delhi a Hotel Ashoka ah Zosuan KNO, UPF leh India Central kumpi kihona nei uh cih kiza hi.KNO in India nuai ah Zosuante a ding State khat piak ding ngen uh a, UPF in Manipur nuai ah Autonomous Tribal State kici namtawmte gamke khat, Indian Constitution Article 244 (A) siksan in ngen uh hi. Political Dialoque pen asawtlo in kipan dinga, tuama in KNO leh UPF galkapte khasum pen 3000 pan 5000 ah khangsak ding ci in, India kumpi in thukim hi. KNO in politics genkhawm ding thu lai tawh gelh a piak ding ngen a, India in lai tawh kamciam ngamlo ci hi. UPF in bel vil phot ding ci hi. http://www.phualvatimes.com , www.indiankanoon.org
9. December 7-9 kikal CNF-USDP kihona nei uh a, CNF lam pan thu 31 asung lak vuah 27 kithukim thei in, thu 4 mailam ah kikumto lai dingin sunsiah uh hi. Federal Union vai pen CNF in genlo dinga, mualgamte tawh genkhawm ding ci uh hi. http://www.zomidaily.com
10. December 21 ni a tung Democratic Karen Benevolent Army kumcin pawi ah, Zomi Independence Army palai te'n zong NLD, Shan, Kayah makaite tawh va uap uh cih kiza hi. http://www.youtube.com