Thuthang kizakna ah KIA in thautangdalna puan (Bullet Proof Jacket), puakkhauh galvante ( high explosive weapons) leh vanleng kapna ( surface-to-air missiles) kihel in, galvan tampi leithak cih kiza hi.
January 19 ni in Kawlmangin kikap kakhawl uh hi ci in ,zuau gen uh a, January 26 ni in KIA Hka Ya Vum buluh khia uh hi..
Tu'n KIA phualpi Laiza dalna mualbawk teng Kawl te'n lazo khin uh a, Laiza khuapi alaksawm laitak uh ahihi.
Laiza la ding ci a alawp mahmah laitak uh KIA galvan thak thu za uh ahihmanin, asawtlo in KIA in counter offensive (gal lehthuk) lianpi khat nei dingin lam en uh a , Kawlte manawt ngam nawnlo in, kigalging mahmah uh cih kiza hi.
Tua galvan thakte pen China pan alei uh hi dingin Kawl te'n ummawh uh a, Minister Aung Min in China lauhuai acihcih , tu a hi, ci uh hi. Nungdeuh in Wa te'n zong China pan galvan tampi lei uh cih nungkum a IHS journal a suak, VOA in hong khawnung suaksak kik hi.
Kachin te'n bel ko US, China, India leh Russia akipan kuaman hong panpih ngei kei, ahihhang hong om pih den " PA" khat bel om hi ci in gen uh hi.
Nungdeuh a Hpakant khawk vaipua KIA Bn.No.06 a Commanding Officer-CO ( Tatyin-hmu) pa in " Nidangin galzawh ciang zu leh sa tawh ai in, ka tong keei uh hi. Tu'n bel zohhun ahizong, lelh hun ahizongin, pasian tungah lungdam ka ko den zaw ta uh" ci hi.
Nungkumsung in zong KBC makaihin Kachin suahtak nang gambup anntang thungetna nei uh a, Pasian deihna tawh akituah leh bel, thulamdang hong om thei dinga kilamen hi.
Pasian pen kiliansak veve in, Laisiangtho leh Israel tangthu enleng mi ahuhnop ciangin, lam-etna beisak dikdek phot a, mite'n agal-et laitak, vuut lak pan thosak kik thei hi.
Tutunga galvan report adik leh dikloh bel asawtlo in hong kithei ding hi.
2 comments:
hih aamual tung lam a te a.kua te a nuai pan aa akap to te a kua te a hia? hih kikap na ah kuan zo a?
hih aamual tung lam a te a.kua te a nuai pan aa akap to te a kua te a hia? hih kikap na ah kuan zo a?
Post a Comment