Nung deuh Head Start ( Mucu/tanlangh lang) te sang ah meeting om ding ci in, ka va kah leh Mucu tawh kisai ahunhun a theihhuai tuamtuam hong gen pih kuppih keei uh hi. Policy Council kiteelna khong nei in, vote khongkava khia keei uh hi.
Tua zawh ciang Innkuan a ding aphatuam khat hong hilh nung ci in, ka et uh leh nupa kop khat thugen hong kipan uh hi.
Tua nupa lak a a zii hong ding masa in Giant Eagle Store te receipt saupi khat hong lak in, hong phelphel leh, a dingtan bang hong val zawzen hi.
Hih Giant Eagle Store a ka van lei pen amawk lei hilo in "Coupon" kangahte khol a tuate tawh ka lom lei hi ci uh hi.
Mail Box pan advertisement kawm a hong lut kyawnya laite lak pan Coupon te at khia in khol ung a, tua ban ah store te ah van ka lei uh cianga, hong piakkik uh receipt ( Phiatpai) tunga coupon leh discount te khol a ka zat uh hi ci hi.
Hibanga ka hih uh pen limtak ka ciapteh uh leh, kha 6 sungin sum USD 500 bang phatuam hi ci uh hi.
Tua panin Coupon khol daan ding hong hilh leuleu uh hi. Photo Album ahih kei leh, File ah khol tiltel dingin, ahunhun a zang khia zel ding ci uh hi.
Tua banah Couponte alompi in na deih uh leh Online Coupon site te ah lut unla, na kisap vannamte i Coupon na deih zahzah uh ki print khia ziahziah thei hi ci uh hi.
Limtak hih leng atangpi in kha khat 100 kim bang sum ki save zo ci uh hi.
Agamgam ah zong kizang thei ding ci hi.
Coupon Code deih zahzah lak theihna abaih pak in hih www.coupondealsdaily.com hong hilh uh hi. USA a tengte deuh a ding hi in, tua ah ka lut leh i deih bangbang ki print thei takpi mah hi.
Amun amual zui a hong hilh uh ahihmanin, gamdangte coupon site hoihte zong mailam ah behlap zel ni.
Aphattuam khak leh cihna hi.
No comments:
Post a Comment