November 25 ni nitaklam a UNFC mualgam palaite leh Aung San tanu te University Avenue a kihona ah Federal Union bawl ding leh Federal Army phuat ding ki thukim uh ci in kiza hi.
Laiza Mualgam khawmpi leh Myitkyina a Mualgam-Kawlgam kihona khit ciangin kithukimna om theilo ahihmanin, November 21-22 ni in Thailand gam Chiangmai khua ah UNFC leh NLD kihelin political partyte kimuhkhawmna om a, tua zawh ciangin UNFC palaite leh Aung San tanu kimu uh ahihi.
Kimuhkhawmna khit ciangin Press Conference bawl uh a Aung San tanu in " Mualmi te'n Federal Union deih a hihmanin, Federal Union tawh kituak Federal Army a om kul hi." ci sam hi.
Mualgam te'n Constitution thak gelh ding deih a, Kawlgam mipi palai NLD in puahpha ding deih zaw ahihmanin NLD leh UNA kikal zong kithutuahna om theilo ahihi.
Hih thu tawh kisai UNFC makai Nai Hongsar in " Pi Suu te'n Parliament sung pan hong sem ding uh a, UNFC in parliament pualam pan kisem ding." ci hi.
" Kalsuan nop daan akibatloh hangin Democracy leh Federal Union cih tupna leh ngimna kibang hang." ci in Pi Suu in genbeh hi.
November 25 ni mah in UNFC leh UNA te SNLD office ah kimukhawm in Federal Union bawlkhawm ding ci in kithukim uh ci hi.
UNFC, NLD leh UNA te Federal Union leh Federal Army bawl ding ci in , apansan uh kibang tadih phot cih ding ahihi. Zehphi hong om zel kei leh 2014 khawmpi ciangin, Kawlgam USDP te a ding vaisah mahmah kha ding hi.
Nidang a Constitution gelhthak ding aci masa penpen bel Sia Chin Sian Thang hi nong hi.
1 comment:
Thupi photphot ei hih ciangciang zong. Mainawt.....
Post a Comment