November 4, 2013 ni Kachin khawpi Myikyina a Mualgam-Kawlgam kihona khit ciangin, kihokikna ding pen Karengam Hpa-an khawpi ah December 19-20, 2013 kikal om kik ding kici pen, lem theilo ahihmanin January, 2014 sungin kiho ding ci in a hun kikhin cih kiza hi.
Mualgamte lungkim pha mello banah Chrismas zong naita ahihman a second round talk pen a hun kikhin ci hi.
Myikyina kihona ah Kawlgam te'n a thu uh khek themthum ahihmanin, Mualgamte lungkimlo a kithukimna khutpi mekna om theilo ahi. Tua maban teng Hpa-an ah December 19-20 kikal genkhawm ding cih zong, tu'n lem nawnlo hong suak phot a, January 2014 ciang bawl pan ding ci a kikhel ahihi.
Mualgam-Kawlgam Political Dialoque a om theih nangin, Nationwide Ceasefire kici gambup hiamkham kisam ahihmanin, tua gambup hiamkham a ding athuluite uh kituak theilo in, Myikyina leh Hpa-an khawmpi lawhsam tadih phot ahihi.
Mualgam-Kawlgam kihona ah Mualgamte tangin Nationawide Ceasefire Coordination Team-NCCT in makaih a, Kawlgam tangin Central Peace-making Work Committee-CPMWC in makaih hi.
No comments:
Post a Comment