December 18-20, 2013 ciangin UNFC makaihna tawh Mualgam khawmpi 2 veinna Karen gam ah kibawl kik ding cih kiza hi.
October 30-November 02, 2013 kikal in Kachin gam Laiza khawpi ah akhatveina Mualgam khawmpi kibawl a, tua mun ah Ceasefire leh Dialoque Framework tawh kisai Mualgam thusung khat bawlkhia uh hi.
November 04, 2013 ni in tua mualgam thusung tawh kisai Myikyina khawpi ah Mualgam-Kawlgam te'n genkhawmna nei uh hi. Ahihhangin kithukimna om theilo ahihmanin Myikyina khawmpi lawhsam hi.
Tua alawhsam Myikyina Mualgam-Kawlgam kihona mabante, Karen gam ah December 18-20 kikal UNFC sung kikumkik ding cih thu om hi.
December 18-20 UNFC mualgam khawmpi khit ciangin, Kawlgam tawh tut khawmna om kik ding hipan hi.
Mon News pan kizakna ah nungdeuh in UK siksan kipawlna khat panpihna tawh, Thailand gam Chiangmai khawpi ah UNFC inntekna tawh Security Sector Reform kici Galkap lam tawh kisai thukikupna om ci in kiza hi.
Tua Seceurity Sector Reform meeting ah British galkapmang lui ( British Chief of Staff) leh NATO galkap mang lui khat zong kihel in, UNFC thului Federal Army tawh kisai Kawlgam galkap leh Mualgam galkapte koici gawmkhawm ding cih tawh kisai kuppihna nei cih kiza hi.
Mualgamte in Kawlgamte kiangah thutuam latuam satlo a, Federal Constitution leh Federal Army tawh ki belpawlkhawm ni ci a kizol laitak ahihi.
No comments:
Post a Comment