Second Panglong khawmpi zawhsiang masiah Mualmi leh Mualgamte gal leh sa ah thahat mahmah kul lai phot ding hi ci in, Shan State Restoration Council-RCSS Chairman leh Shan State Army-SSA makaipi General Yewd Serk in 2014 January 9-13 ni kikal, Loi Tai Leng phualpi a kibawl RCSS/SSA kumci'n khawmpi ah tangko khia ci in Shan Herald Agency for News-SHAN in January 15, 2014 ni in gelh hi.
" Politics leh Galkap vai helhkhawm lo a, atuam tuak a khen ding kisam hi. Panglong khawmpi ah politics thu gensiang piikpeek khit ciang bek in galkap vaite kikupna bawl pan ding hi ci'n General Yewd Serk in gen hi." ci in Shan galkap ulian khat in mediate dotna dawng hi.
Tutunga kumci'n khawmpi ah 2013 sung nasepsate pulakna, enkikna leh maban paizia ding kikupnate nasia takin nei uh a Shan palai 400 kihel thei cih kiza hi. Shan RCSS/SSA leh USDP Myanmariante Hiamkham ceasefire kithukim zawh kum 2 cing ta a ahihhangin kikapna 150 vei val om veve ci hi.
Shan State Army in Shan State buppi ah inn khat ciang pasal khat ta galkap lut dingin thu zasak a, a lutnuamlote Shan gam neihsa phim-bil-tawng khat zong puakhialo a Shan gam pan pem khia thei ci in thu suaksak uh cih kiza hi. 2014 kum sung Zomi te zong kinak galging mahmah ta ding cih zong kizak beh lai hi.
No comments:
Post a Comment