Zomi Census, Kalay Declaration leh ZIA

Tu sansan a Zomi ci a,

i nung buaina pen,

Census bang sus hang hilo in,

Second Panglong leh Federal hang ahihi.

Zomi min tawh tuma kum 25 lai pek a,

Zomi National Congress min tawh register aphalsa uh hi.

Tuama kum 60 lai pekpek a zong,

Zomi Baptist Convention ci a,

kiphalsa khin pekpek zo ahihi.

ZNC in party registration hong bawl kik cianga,

Zomi om kei,

hong kicih miauna pen,

Zomi om leh om loh hang hilo a,

Kalay Declaration hang ahihi.

Kalay Declaration in,

Second Panglong sam a,

Panglong Tongciam leh Federal beelpawlgam vai,

Hong pulak cianga,

Kawlgalkap USDP te ,

tangtel tumtan hong bang uh ahihi.

Tua pen a thukkik pak nang theilo uh in,

Party register cianga,

ZOMI om kei ci a,

a khawnung gum pang kik pong uh ahihi.

Zogam, Kawlgam ah,

ZNC/ZCD makaite, Zomi mipil tampi leh mipi mahmah in zong,

pang theih pangmawh in na pang kik uh hi.

Tua bek hilo in,

Malaysia leh Australia ah lungphona hong om ban ah,

WZC organise a leitungbup Zomi lungphona,

om ding cih azak ciang vua,

"Ka zong kikik uh leh Zomi na om mah ee" ci pong a,

hong khawnung khiap kik uh ahihi.

ZCD party register khuan zong piak kik uh ahihmanin,

( Socall) Myanmar Union Govt in,

Tulai Censuspute ma pek a,

Zomi na pom kik khin uh cihna ahihi.

Tua ahihmanin,

Zomi cih i buai pih himhim leh,

Panglong, Federal Union thu,

aton den ahihlam phawk ciat ni.

Panglong leh Federal melhsiahna a,

azangkha i om leh lah,

hong dik het het lo kik ding,

hi leuleu hi.

Census lel bel April khong ciang,

hong daiduak ziau ding hi.

Seasonal Politics nam khat hi.

i Winter Crop nam khat hong hi phot hi

Zovontawi Fund,

Thapia in,

Final Tukpeng suihna a ding,

kigingkhol ciat ni.