Myanmarian President Thein sein in Meitei leh india thautawite busaklo ding ci in, India kumpite August 11 ni in khem leuleu hi.
India External Minister Kawlgam hawh August 11 ni Myanmar President Thein Sein inn ah kihokhawm uh a, tua kihona ah Thein Sein in India do thautawi kipawlna peuhmah, Myanmar in kuamah kemlo ding hi ung ci in, India External Minister Sushma Swaraj kiangah kamciam pia kuunkuun ci in The Economics Times in gelh hi.
India-Myanmar gamgi pen kilometer 1600 sau a , Kawlgamlam ah India thautawi pawl 8 khong nuamtak a om uh ahihi.
Zogam sung Tong Zang, Kalaymyo leh Tamu township sungah Meitei thautawi pawl 5 khong om uh a, Naga Hills leh Sagaing Division sungah Naga pawl 1 leh Assam pan pawl 2 khong om uh ahihi. KNG
No comments:
Post a Comment