Myanmar Army in Constitution Article 436 (a) (b) puah ding ut lo uh ci in Constitution Review Committee in October 22 ni a kibawl Union Parliament Session ah report pia uh hi.
Kawlgam Galkap Thukhun tang 436 na ah thukhunpi pen innpi palai Muut Pu 75% val in a thukim uh leh bek kipuah thei ci in kigelh ahihi.
Tulaitak Kawl Innpi ah Muut Pu mun 25% pen Kawlgalkap palai te'n mipi teel hilo a munngah mikmek uh ahihi.
Tua ahihmanin mipi deihna ahi democracy leh federal union thusungna pen galkap 25% te'n dal thei lai cihna ahihi.
Atom in Kawlgalkap te'n democracy leh federal union taktak i ngah ding pen hong haza mahmah lai uh cina ahihi.
October 18-19 ni a Kawl khuapi Pyinmanar a Kawlkumpi sung kihona vuah, 2015 Thein Sein uk hun sung ah kkilemna khuambul ciang bek kiphut zo pan ding a, mipi deihna taktak ahi democracy leh federal vai pen 2016 lam khong ciang kikupna omzo pan ding ci in USDP galkap party palai Hla Swe in gen hi.
Tuta bang hong hih a leh kinawkna lianpi hong om kik kha thei ding cihna ahihi.
No comments:
Post a Comment