Myanmar kici gam ah kikhelna tuamtuam om ta hi a kicih pong hangin, mualmi leh mualgamte hong ki nelhsiah veve hi ci in, November 12 ni a Thaigam Chiangmai khawpi a kibawl Mualmi leh Mualgam civil society tuamtuam bawl thuthang gencianna ( press conference) ah pulak uh hi.
Shan State laizang, mallam ah kikapna om den keei in, Kachin state ah zong Myanmar galkapte kibehlap behbeh lai uh hi. Karen state ah zong kikapna om zeuhzeuh thei a, tualo mundangte ah zong galtai leh gambel ki tatsatlo hi ci in Shan Human Rights lam te'n gen uh hi.
Mualmi leh mualgamte thuaknate kuaman tangko leh pulak nuam nawn phalo uh ci in genbeh uh hi.
ABSDF makai lui leh tulaitak a Kilemna Pwesar sem Aung Naing Oo ( Myanmar Peace Centre) in bel politics kihona kizo thei leh, tu bang buaina tuamtuamte hong bei lel ding hi, patau kei un, cipong hi.
Ref: Mon News
No comments:
Post a Comment