US ah Tuna sangin Salmon kiduh zaw ci

US ah tuna sangin salmon ngasa kilim nek zaw a, kaikuang zom ah salmon  sane tam pen in,  tuna pen  a thumna ah kia ci hi.

2013 kum in salmon pen ama sangin 34 % in kine zaw a, wild salmon leh farm salmon khentuam omlo  a 2 in ki duh mahmah lel ci hi. Banghang a tuna sang salmon kiduh zaw hiam cih thu ahang kitheilo a,  hibang a a kiduh den ding hiam cih zong bel market siamte in genkhol thei nai tuanlo uh hi.

US a wild salmon kiman zah i 95 % pen Alaska a kiman hi a, 2013 kum in awn 272 kiman a $ 679 million man  ci hi. Abeisa in a bung sungah kithunsa in kizuak a, tuhun ciangin a sial in kideih zaw ta ci  hi.

Salmon pen kimawlna uuk khangnote leh cidamnalam awlmawh khangthak te sung ah a duh kibeh toto ci hi.

2013 kum in US gammi khat in salmon  2.7 pound ne uh a, kaikuang bel  3.6 pound ciat ne uh hi. Expert te genna ah 2014 kum sung zong salmon leinuam khangtoto lai ding ci in tuat phot uh hi. Ahihhangin salmon beng pen awn 272 panin 156.6 ah kiam ahihi.

Khangthak te'n salmon a lim duh tektek uh leh Zomi Sushi Boss te zong nuam tektek kha ding ahihi.

2013 kumin US ah seafood mimal nek zah atangpi anuai a bang ahihi.

1. Shrimp kaikuang 3.6 pound
2. Salmon 2.7
3. Tuna 2.3
4. Tilapia 1.4
5. Pollock 1.2