X'mas leh Kumthak letsong: Sushi Bar Website

Zomi gamdangah atam zaw US ah om i hih banah, i business sep a tam zaw pen Sushi hong hi phot ahihmanin Sushi tawh kisai i gelh hi. A telnop ding in dotna leh dawngna daan in i lui hi.

? Zomi Sushi nasem ten website nei leng ahoih diam?
= Hoih zenzen e. na sushi website in sum tampi hong tun thei hi.
? Ei a company nei lah hilo a, kisam ding maw?
= Company neite sang nang kisam zaw kan lai na hihi.
? Banghang in maw, ei kuama hong theih lah hilo a?
= Tua hong kitheihloh teng mah hang a kisam na hihi.
? Sawnsawn, them hong hilhcian dih ve?
= Na bar omna store hawh ngei teng bek in hong thei aive.
? Tua bangci?
= Na store hawh ngei teng bekin thei in, tua lak ah mi them bek in lei.
? Aive mate.
= Store hawhngeilo teng in na bar thu theilo, tuateng asum hi pah.
? Tua pen website tawh kisai amaw?
= Kisai e,
? Website nei leng midangte hong pai pah zuahzuah ding maw?
= Website pen kal 1 na hi.
? Panpan aw e.
= Kal khat suanlo a kal 1000 kitunglo hi.
? Sese, hong gencian lai dih ve?
= Website na neih khit ciangin, SEO hih lecin.
? SEO bang ahia?
=SEO pen Search Engine Optimization kici hi.
? Teltuan kei thong sing.
= Himah ee, Tulai mite in smartphone leh computer tawi tekta hiven maw?
? He tua tawh bang kisai?
= Mi te'n na khempeuh internet ah zong ta hi.
? Mate, hong zom lai dih o.
=  Sushi ci a a kizong ciang a, nang sai adawk leklak ding kisam hi.
? Tua bel hi ding aive.
= Gentehna in sushi duh khat in a smartphone ah sushi ci'n zong ci o?
? He
= Tua ciang a result ah tua nai a website teng dawk ding hi.
? Tua bel hi ding aive.
=Tua website hong dawk lak ah atungnung 3 te lak ah khat ah pai ding hi.
? Tua bel hi ding aive.
= hi ding hilo in, hi khin hi.
? Tua leh website kineilo, SEO lah kihihlo cileng bel,
= Tua hang a na store a hong pai lak ah them bek in hong lei ahihi.
? Tua ahih leh Website khat nei ding SEO bawl ding cihna aive maw?
=He
? Baih ding maw guai?
=Abaihloh hangin hamsa lua lawmlawm samlo hi.
? Tua leh mi te'n zong tua cih maw?
= Hih zenzen ee, ahihhang companyte losiah athei tam nailo hi.
? Aw Zomite amadawk a thei kha i hi ve le maw?
= Zomite mimai ah kal khat ta madawk ding kideih sak hi.
? Tua leh website leh seo lo adang om lai hia?
= 1% bek hong ki gen pan ahihi. Mailam ah zom zel ni.
? Lunglut huai san pan ee, na gengen leh.
= Viik ding hi hang.
? Enkak ding khat hong lak dih ve.
= Aw,  na veng/khua ah sushi sai computer or phone pan zong dih ve leh.
? Koici daan ee?
= Na phone or computer ah Sushi bar in ------- ci in khen o.
? Aw website hon khat hong dawk mah ei.
= Tua aive SEO hatte a tungpen ah dawk ding hi.
? Telpian ta ing ei.
= Hun thak business paidaan hi.
? Sushi website khat hong lak dih ve example?
=Los Angelis a Sushi site hi http://www.theroomsushi.com/
? nasia bal ei !
= Mate .
? Ken website lah bawl theilo, SEO lah thei vetlo, bang cih ding?
= Zomi sungah bawl thei ki om hi.
? Tam bei si in teh maw?
= ROI tawh tuat in tam bei khol kei ee.
? ROI bang hi sese ahia pu?
= Return on Investment, Sumphum zah leh ngahkikzah cihna hi.
? Aw, hi thei mah in cia mate?
= Gmail na neih leh   blog no khat tawh zong kipat theih ahihi.
? Gmail tawh website kibawl thei maw?
= Kalaisai, kibawl thei ee, blog/website deih zawkzawk kibawl thei hi.
? Blog tawh pan leng sum tawm bei ci o?
=He, sum tawm bei ahihhang muibun mahmah veve hi. Website pi ma.
? En English gelh thei kei leng ee.
= A gelh thei ki om hi.
? Lungdam huai hilo maw?
= Nidang ciang kikum to zel ni. A mongno khat hi pan hi.
? Aw.
= Lungdambawl leh kumthak zat nuam !