Myanmar Army in Kawlgam sik ciangkhut tawh a uk zawh kum 52 sungin zavom leh khamtheih tuamtuam beisak zolo a kibehlap toto zawsop ahihi.
Hun sawt pek a kipan Zogam mun tampi ah zavom akicing mahbangin abeisa kum sawt lua nailo a kipan a kicing ngeilohna munte nangawn ah zong kicingta cih kiza ahihi.
Tuabangmah in Karenni State ( Kayah) ah zong zavom cing kibehlap tektek ci in December 02 ni in Kayah News in gen hi.
 |
| Palaung gam Kawlgalkapte huapna khawk a zavom lo. credit: IPS News |
" Mipite zavom hoihloh thu khuaphawk nangin kisinsak uh hi, ahihhangin zawn leh gentheihna hangin zavom cingna pen lam-et zah in kiphiat zolo hi." ci in Karenni state a police deputy major Hla Lwin in Kayah News te kiangah gen hi.
Zogam leh mualgam mun tuamtuam ah lokhote pen genthei lua uh ahihmanin zavom cingte lawpsak mahmah uh ci hi. Zavom tang a khaikung ciing ding kipiate pen zavom zah a metloh banah, azuak nang zong om mello ci in Kayah News te'n tangko uh hi.
October kha sungin Kayah State Police te'n Demawso township sungah zavom acre 20 hal uh a tua tawh simin 2014 sungin acre 57 hal uh ci hi.
Zogam lam ah bel police leh kumpilam in tuabang a hallam uh kiza kha nailo hi.
No comments:
Post a Comment