India-Naga kihona pen tu'n kum 18 phata a, India kumpi in tukum sungin kiho siang ding ci in tangko hi.
Nidangin kum khat 2 vei khawng kiho zeel uh a, tu'n bel India palai leh Naga makaite ut hunhun a kimu kiho thei ta ding ci hi.
Tua bangin kimu mun hi leh vaisiang baih ding ci in India kumpi in muhna nei ta hi.
1975 kumin Naga NNC makite leh India kikal ah Shillong Accord cih kithukimna om a, tua tungtawn in Nagaland State piangkhia ahihi.
Ahihhangin tua Shillong Accord hangin Naga sung ah kikhenna nasia tak piangin NSCN piangkhia ahihi.
NSCN in Manipur, Nagaland, Assam leh Arunachal Pradesh a Naga mi te omna teng NAGALIM ci a gamkhat a gawmkhawm ding ngen uh ahihi.
1997 kum a kipan India kumpi tawh kihona kipan a tuni dong kizom lai ahihi.
Tutung a India kumpi thak BJP party pen amau guak a kumpi cing ahihmanin, Naga vai siangsak nuam taktak le uh amau patry guak in khensat zo ahihi.
Tua ahihmanin tutung a BJP kumpi in kum khat sung a Naga vai siangsak ding acih in muibunzo takltak kha thei dingin upmawh huai hi.
Tua tungtawnin India Northeast State teng zong ling litlit pian ta cih kiza hi.
Zomi zong kinak ging mahmah ta ci kiza hi.
No comments:
Post a Comment