Facebook Account misok te'n laulua uh hia? hong hack uh in, Facebook Account hoihkik ma update tuamtuam Blogger ah kizom ding cih thu i tangko hi.
Zogam ah tualsuak party te mah lal henla, Mualtuk Part ( USDP) leh Taihciat Party ( NLD ) bel Kawlgam mah ah lal zaw uh leh, cih thu muh daan a kigelh leh, patau sim pian uh hiam? Ka Facebook Acct hong hack huan uh hi.
Banghang hizah ta patau uh hiam cih ka ngaihsut ciangin, 2010 kiteelpina ah Kawlgambup ah USDP in zo napi Chin State ah lel uh hi. USDP a zosun teng leh Kawlgalkap nominate teng a kipawl uh ciang State Govt. form zo mialmial bek uh ahihi.
USDP in 2010 kum in mun 7 zo uh a, Tedim-Tonzang mun 4 lak ah mun 3 ah zo uh hi.
Kawlgambup Federal Union taktak a kivaipuak ding a utloh ban vuah, Tedim, Tonzang in district ngah ding a mipi in kilawm asak uh, USDP Naypyitaw leh Haka kumpi in pialo in Capital ngahsa Haka piak beh uh a, tua pen mipi lungsim na mahmah a a om laitak, 2015 kiteelpina hong om kik ding dinmun ah om ahihi.
Tua bang dinmun kawmkal ah USDP in thuneihna leh sumtha zangin, mipi khem sawmsawm ( Khem zo pain ta) dinmun ah hong om ciang a, mipi khuaphawk nang a a kilok ahihi.
NLD leuleu bel hun hamsat lai a a kithuahpih uh Zomi te nangawn khual nawnlo a, Zogam ah tualsuak party te mun nangawn iplah daan khat a, a phualpite hong kipeipei pian uh hi. Zogam a te bel lawp lua khollo uh cih kiza hi.
Hibang teng dinmun ah Zogam Zomi Party temah in vaihawm ding cih thu ka khah kawikawi leh, USDP leh NLD lam te patau in FB mahmah zong, hong counter huan uh ahihi.
Mipi khanglo lawh vat ahihmanin, hong thukkik zo nawn phalo uh a, FB ah hong report uh ahihi. FB ah nunglamin Kawl khat hibang daante encik ding in, Kawl kumpi leh Kawl hon khat thuumna tawh FB in koih ahihi.
Zanni thupiang i kizaksakna pak ahihi.
Dal zo tuan khol diam maw?
No comments:
Post a Comment