Zomi May Day

Tuni May 1 ni khat ni pen May Day kici Nasemte Ni thupi ahihi.

Tulaitak Zomi nasem labor te dinmun en leng May Day pen Zomite a ding thupi diak kan lai hi.

Banghang hiam cih leh May Day pen nasemmite tung a pasian piak pianken go le gamhte kipsakna ni ahihi.

Nasem khat in ama nasep tawh kituak nitha, naitha, khatha a ngah ding banah, omna ( shelter) , neek le dawn akilawm a kicing angah, aneih ding cih ahihi.

Mihing khat in a omna gam, a dinmun leh amah tawh kituak a nitha angah kei leh " Khangthak Sila/ Khangtha ki Sila bawlna/ Modern Slavery/Modern Slave' kici hi.

Tuni Zomite dinmun en leng Thai, India, Malaysia, Korea, Japan cih bangte ah amau gam nitha ngahzah kingahlo banah , labor rights tuamtuam kingahlo in Modern Slave/Khangthak sila dinmun ah ki om ahihi.

Zogam a omte lah nitha tawm pen 3000 hi ding ci in Kawl USDP Labor ministry in tangko pong napi tuni dong a tangtu'n sakna om nai tuan mahmah lo hi.

Gamkhangto tungsate lah kum 10-20 omsate nangawn milak ah gentham lua ding khuasuak om lualo hi. A tungthakte lah labor rights cih thadah mi utlo ngaploh teng sem a akibuaisan laitak hi.

Tua ahihmanin tu kha May Day ahi May 01 ni akipan May kha sung pen Zomite Sila pan suahtak na ding vai vive kikum ta ding hihang ci in i kizawn hi.