Post masa tawh kisai Facebook a Pu Cin Kap dotna dawngkikna kawm hi.
AntiVirus leh Internet Security pen Virus do tuak hinapi, a kilamdangna tampi om hi. AntiVirus pen internet omma pek a kibawl khin hi a, computer virus dalna leh dona a kizang ahihi.
Internet Security leuleu bel AntiVirus tungah online net pan a tungthei lauhuai dalnate kibehlap AntiVirus nam khat hileuleu hi.
Gentehna in Internet Security ah galdalna kulh thuap 2 ( Two way Firewall) , guta dalna ( antiphishing) cihkhawg kithuah beh hi.
BitDefender Internet Security Suite ah:
- Parental Control thuah uh a, agamla (remote) panin, na tate internet zatdaan ki ensim thei ci hi.
- Tua banah File phiatna ( File Shredder) pen nasia mahmah a, CIA nangawn in na file phiatsa te zongkik ( Recover) zo nawnlo ding uh ci phial mawk uh hi.
- Internet Security ah Firewall kulhpi thuap 2 kithuah a, Windows Firewall tawh kinamnoih loin atuam vilvel in galhu ci hi.
Company tuamtuam te i AntiVirus Version leh Internet Security Version bawlte a kien ciangin, kibang lel napi, Internet Security Version te pen Online Banking leh Online Shopping cihbang sumvai paivaite a ding, tuatkhol geelkhol a kibawl diak ci in expert te'n gen uh hi.
Tuahanga zong a aman zong kikhai pah ci uh hi.
BitDefender Internet Security Suite pen Computer 1 a ding kum khat ( 1 PC, I Year) Licence Key hipan kisin thei hi
▬Thuumna▬
IT thu bel ka business tawh kizom pian hi in, hong kipost ciangin a sim nuamlo te'n na kannelh pahpah un.
Lungdam
Zo Khup
No comments:
Post a Comment