Tuhun IT hun cihmah takin nisim nuntakna ah computer, internet cihte tawh kuamah kipeel thei nawnlo in i om hi.
Computer cih ciangin smartphone, tablet, netbook, laptop leh desktop a kipan, a nunung pen a hong piang SmartWacht cihte tan huam ahihi.Tu'n motor te zong internet tawh kizomin GPS a kipan kisam bangbang computer khat phial mah bang ta uh hi.
Smart Phone, Smart Watch leh Smar Car cih kiza mun mahmah ta hi.
Hibang a computer nisim nuntakna ah i zat ciangin, phattuamna tampi hong piak theih mah bangin, mihing bangmah in computer zong natna lungno ( Virus) lut in cina thei hi.Computer Virus cih ciangin mihing pumpi nasak thei natna lungnote daan hisamlo a, nisim i phattuampih a izat computer program te nawgngkai sak thei ahi " deihuailo program" kibawltawm te mah pen Computer Virus kici ahihi.
Computer Program kituunkhawm teng pen Software kici a, gentehna in Windows 7, 8, 10 cihte, MS Office a kipan phone app te zong software vive ahihi.
 |
| Image: The Tech Geek |
Tua aphatuam software sunga program te susia dinga kibawl software leh programte pen Computer Virus hipah leuleu hi.
Software thu pen zanlam ciang a tangzai zaw in gelh ni.
Hibanga computer nasepnate anawngkai leh susia thei virus te daalna dingin , software program te kibawl leuleu a, tuate pen Antivirus Software kici ahihi.
Tuabanga computer bit nanga kibawl AntiVirus Software minthang leh kizang diak pen leitungbup ah nam 30 khawng om ahihi.Tuabang 30 khawng omte pen kumsimin kua a hat pen leh hoih pen cih TEHNA om den hi. 2015 kum a dingin zong tehna kibawl khin a, tualak ah leitungbup ah BitDefender AntiVirus in akhatna ngah ahihi.
AntiVirus leh AntiMalware minthangte anuai a bang hi.
- ▬Bitdefender Antivirus Plus 2015
- ▬Kaspersky Anti-Virus (2015)
- ▬Webroot SecureAnywhere Antivirus (2015)
- ▬Emsisoft Anti-Malware 10.0
- ▬F-Secure Anti-Virus 2015
- ▬Malwarebytes Anti-Exploit Premium
- ▬McAfee AntiVirus Plus 2015
- ▬Panda Antivirus Pro 2015
- ▬Trend Micro Antivirus+ 2015
- ▬Avast Pro Antivirus 2015
- ▬AVG AntiVirus 2015
- ▬IObit Advanced SystemCare Ultimate 8
- ▬Norton Total Security 2015
Computer zatna peuh ah AntiVirus kisam hamtang cih phawk ciat ni. Computer zong Zomi Politics no khat mah ahihmanin, maban ah kikumto zeel ni.
Politics ah zong Virus om thei zeel a, AntiVirus mah kisam hi.
Maban hunlem ciangin zom zeel ni.
No comments:
Post a Comment