Republic of Union of Myanmar -RUM ah 1988 kumtawp lam a kipanin mipi lungphona leh leitung kikhelna hangin Market Economy ( Zaykwet SeePyarYay) ci in sumbawl leh silbawlna hong kihong khia ahihi.
Tua tawh kitonin technology zatna zong hong khang toto a, computer leh internet pen nisim nuntakna hong suak phial ahihi.
Market kihong cilin mipi kuamah sum nei leh technology siam omlo ahihmanin, Kawlkumpi tawh gukhawm nekhawm teng mah in, vai khat peuhpeuh ah sumbul hong nei ban vuah, technology leh licence tuamtuam na buplak pahpah uh hi.
ICT lam ah zong amau tengmah in market buplak uh a, RUM sunga kizangpi pen ahi Myanmar Font tuamtuamte zong amau naihuai leh sumbul sikna pan hong piangkhia vive ahihi.
Zawgyi Font etc.
RUM kumpi in na khempeuh amau kiukna kip nangin zanggai uh ahihmanin, Myanmar Font te zong pen, a install peuhmah i computer gamtatnate kithei dingin bawl uh hi. Myanmar Font peuhmah pen Spyware kici thukan software/app nam khat zong hi pahpah hi.
Tua dal zawh nangin panlakana zong nasia tak omin India siksan freedom fighter te'n BIT Font cih bawl uh hi. Shan te'n zong Myanmar Font amau bawl zang uh hi.
BIT te bawl pen BBC Burmese, DVB cih bang mipilam Radio leh TV site te'n zatsak ahihi.
Ahihhangin gamsunglamte bawl Myanmar Font te pen mipi sungah kizeel leh, zatloh phamawh khat suak ta ahihmanin RUM lamte gualzo suak ahihi.
Mipi sungah a diakin Zawgyi Font bang gamsung leh gampua ah kizeel luata ahihmanin, Official Myanmar Font mah bang keei ta ahihi.
Zawgyi Font pen RUM tawh kinaihuai pawl khat in, Mandalay base a bawl uh ahihi. Spyware/Malware namkhat zong ahihi.
Tua ahihmanin thu poimawh neihte vaihawm ciangin Myanmar Font ki install lo computer te zat kul ahihi. Ahih kei leh Myanmar Font te uninstall phot a zat ding ahihi.
Tua banah RUM sunga kibawl free video, music leh site tuamtuam na lut ciangin spyware leh malware automatic in na van/device ah ki download sim den hi cih thei den in.
Zomi te sungkua hong kimuh pailet denna zong hih pen ahangpi khat lak ah kihel hi.
Mailam ah amau sang smart zawk sawm ciat ni.
No comments:
Post a Comment