Tonkhawm Ni

 Den mahmah a Windows 10 Upgrade bawl suk mai.

Computer piangkhiat zawh Pu Lengtong Pauno cih daan leh Bilee ( Jubilee) bangzah vei hiam a cing khit hangin, Windows Version thak kum 3 khatvei a suahte hang kilap zo ngei  mahmah lo hi.

Windows XP ciang pen computer nei zolo hi pah phot.

Windows Vista hong suah leh computer neih zawh ( Neih masak pen) hong kituakin, Windows Vista ( Home Premium) tawh kikhang khia  hi.

Windows 7 hong suak ciang lah Vista hoih lai lel ahihcianga,upgrade lo lel. Windows 8 hong suak ciang bel deih pianin ahihhang a sum pammaih sa hi zel.

Tua kawmkal leh computer thak neih loh hong phamawh in, computer thak tawh Windows 8.1 kithuahsa zang.

Windows 8.1 bialbual kisin kawmkawm nuam pan ei I cih leh, tukum July 29,  2015 ni Windows 10 na suak man zel hi.

Windows Version dangte lai bel ei tawh kisai lua mello khat a kituat in mite a lawp keei pong uh hangin eilam ah " Excitement " bangmah na omlo hi.

Tutunga bel Windows 8.1 zat laitak ahihtawh, 10 pen kum khat free hi ding akicih tawh, a suahma a ki bil dawh den kha in, a feature tuamtuam te a gen uh ciang bang, I cil na phul keei pong hi.

Hong suak taktak ciang lah  kum khat khit ciang 100 val ta hong bill ding cih pen kihta in upgrade gamlo ta leuleu.

Khat leh nih bangin hong dongin kum khat khit ciang, 100  val ta na liau ngap  kei leh om khinkhian in, ka na cih khak pawl bang om zawzen hi.

Ahihhangin ka ngaihsun kikkik leh free nangawn a upgrade ngamlo, kum khat khit pek ding thu lungkham khol a, technology thak khat man ngamlo lawmlawm " Bang cih di boih." cih ngaihsutna hong lut hi.

Bang leh bang leh tutung beek ci in Windows 8.1 pan Windows 10 ah na upgrade ta ngia-ngua ing ei.

Mite lawpna leh kikupnate  ah t" ei huakkhop khat ding"  va kikum thei ta ding cihna hi.

Zomi te zong hun i makhelh zawh ma in, hun tawh tonkhawm ciat dingin I kizawn hi.

Latest info leh tech te bek a buaipih sawm hi ta ing ei kei bang.

Tualote bel masawnna mahmah om kilkel lo hi.