Stock Trading: Google Share Bangci Lei Ding ?
Hih pen " How to buy Google share for beginner." cih Hubpage leh kaihkahwm tuamtuam siksan a i gelhkhiat ahihi.
Google cih hangin stock trading bup huamkha hi a, a diakin a kipan cilte zattheih pah dinga khat ahihi. Google share lei ding daan tawh genteh a stocktrading kici silbawlna thu mipi a ding i hong luikhiat ahihi.
A beisa kum 4 sungin Google share pen khat ciangin $ 300 panin 1200 dongah kahto hi. Apple company kihelin hi pen company lawhcing them khatte lak ah kihelzo ahihi.
Thutennen ( Analyst) tampi in Google share pen tu sangin kahto lai ding ci in lam en uh hi.
Ahihhangin Stock lei leh zuak pen sumbawlna khat ahihmanin, ka lei dia ci in nong dot leh bel tua pen lei in lei kei in hong kici theilo hi. Sumbawlna ahihmanin a ut hunin kia thei khang thei hi. Nang kizawh dandan hizaw hi.
Tuni lian September 05, 2015 in bel GOOG $600.7 GOOGL $628.96 ah share pen Tech company dangte bangmah in them kia hi.
Investor kici stock lei te'n bel Mobile Advertising leh Youtube pan sumlut khang hathat ahihmanin, Google share man pen khangkhang lai ding in lam-en uh hi.
Google Stock pen tam man simsim a stock khat ciangin atangpi in 630 nuai kialo hi. Tua ahihmanin share 10 lei nuam lecin 6300 hipah lian in, share 100 bang na deih leh bel 63,000 kipah giap hi.
Google stock pen 2 in kihen a GOOG leh GOODL kici hi.
Google Stock pen taman lua ahihmanin stock leite ( Nidangciang investor or sumbulphumte/sumbulte ci ni) in, mikim leizawh nangin khenneu ding a thuumna uh pan , Google stock pen Stock Exchange ah GOOG leh GOOGL ci in khen 2 a kikhen ahihi.
Bangteng hileh na kipat nangin stock share khat bek 630 kiim tawh lei in zong silbawl na kipan thei pah hi. Ahihhangin na theihkholh dingah stock i cih pen ut hunhun a aman kia thei cih theikhol dingin, hi mun pan i kiphawksak phapha hi.
Tua ahihmanin Google stock bekbek na sumneih teng tawh lei kei inla, stock tuamtuam zong lei in. Stock tuamtuam cih hangin zong, silbawlna lom kibanglo tuamtuam enkawmin a huamkim dinga lei ding ahihi. Tua banga stock kibanglote leina pen Diversify or Diversification kici hi. Suumnaak thehthang kul cihna ahihi. Sumpeeng sumlawng tampi neih ding cihna zong hi.
Stock khat na lei masak pen ding ciangin Stock Broker kici Stock Palai khat na zong kul hi. Na omna khua a Stock Broker pa/nu i office ah zong va dawp in va kilei thei a, Online pan zong kidawp kilei thei hi.
Tuhun taktak teh hidaan nasepte Online pan kisem zaw ta hi. Tua ahihmanin Online pan kisinna hoih khat iki hilh nuam masa a, tuatengah sum beilo, sum taktak zanglo a stock silbawl taktak banga kisin khol thei hi.
Stock Trading tawh kisai hamsalo taka sin theihna a nuam mahmah Stock Game tampi om a tuate ah kimawl ( Kisin) masa in. Onlie Sum ( Virtual Money) $ 100,000 cihbang hong pia ding uh a, stock tawh sum na bawl taktak cianga na tuah ding nasep ding daan teng, hong hilh leh hong maituah sak ding uh ahihi.
Tuatte pen Online Stock Trading Simulator Games kici hi.
Kisin a na kimuang leh tel na kisak mawhloh khit ciangin Online Broker khat zong khia ding na hihi. Hih a nuai ah Online Discount Stock Broker mi theih zawzdeuh hon khat i luikhia hi.
- TradeKing
- E*trade
- TD Ameritrade
- Scottrade
- OptionsHouse
- Fidelity
- Charles Schwab
- Merrill Edge
Pawl khat alutman Free om hi a pawl khat kumsum tawh lut kul hi. Stock khat na lei na zuak ciangin, sum themta hong la ding uh hi. Gentehna in Stock King te'n trade khat ciangin 4.95 khawng la uh hi.
Na Broker Tau ( Plaform) ding a tunga lak pan khat na tel khit ciangin, tua ah account bawl pah in. Na min, omna leh Social Security kisam ding hi. Pawl khat in thudang ahi na income, goal leh atuamtuamte zong hong dong thei uh hi. Tuate bel na ut kei leh piakloh theih ahihi. tuate pen amau company in vaidang a zat nop man hi lel hi.
Google stock lei ding na hih manin na account ah sum kicing zong na koih hong kul pah hi. Mi atam zaw in bank wire transfer zang uh a, pawl khat in check khak uh hi. Na omna khua ah office aneih uh leh tua ah zong va kipia thei hi.
Account la bawl khin, fund lah guang khin dinmun ah nong om ciangin, market kihong a kipan na ut leh Google share khat na leisuk pah thei hi. Tua ahih kei leh hong kiman zawkdeuh hunngak a lei theih ahihi. Banghun a lei ding cih tawh kisai bel hun hoih pen omlo ahihi. A kiman hun ding ngakngak kawmkal in, stock pen na khanghang in tam man zawsop cih zong om thei hi. Tua pen nang mimal a kinga hi.
Stock Trading kici Silbawlna sungah na kibual taktak a leh:
▬ A tuihual tuang daan sin in. Stock man pen nisim kikhel den ahihmanin, kipancil na hih leh kisek pak lo ding na hihi. Stock man bang hong kiam huthut leh na diip bang van a khai hong bang ding hi. Ahihhangin Sumbulsem/investor a tamzaw bel asawtlo in kisek pah uh hi.
▬Na sumbul theh-thang in. Na sumkhol sunsun teng pen, Google share leina in zanggai kei in. Share dangte na lei ciangin zong sumbawlna kibanglo economics sector tuamtuam ah lei in. Genteha inmun logam company, suangmanpha company, music company cih a kipan economics sector kibanglo te ah sumbul zang ding na hihi.
Tech leh Web kiva ( Tech & Web Savvy) hilo a, a silbawlna lah lunglut mahmah, kipatkhiat ding na lipkhap gieugiau leh meassage or phone 330 283 8378 ah thu le la mapat daanding kikumpih theih hi.
Note tawh semkhawm,
Zo Khup
No comments:
Post a Comment