Jade: Myanmar’s “Big State Secret”

Than Shwe te innkuan in Kachin suang-eng teng a gukdaan daan uh a neng atawngin Global Witness te'n Jade: Myanmar’s “Big State Secret” cih min tawh asawtloin leitungbup mai ah pholhkhia zihziah ta ding ci hi.

Kachin State Hpakant suang-eng khuukte kua te'n to, kua tengin deeksi dawn cih a neng tawng a kihel ding ci hi.

Tua sungthu pholhkhiatna ah apuatham ah mi tuamtuam a kipaulaplap hangin, atak ah Than Shwe te innkuan teng a hi ci in kipholhkhia hi.

Than Shwe te innkuan in:

1. Kyaing International leh Myanmar Naing Group min tawh suang-eng to uh hi.
2. Tua suang-eng piangte pen Richest Gems cih mintawh bawl uh hi.
3. Suang-eng sumlut pen tuat hamsa napi Myanmar Gems Department leh China Customte siksanin a ki-et ciangin, kum khat USD.12-31 billion kikal hi ding ci in Global Witness in tuat hi.
4. Kachin suang-eng man pen Myanmar gambup GDP i 48% tawh kikim ci hi.
5. Cidamnalam sum zat zah sangin azah 46 in tamzaw hi.
6. 2014 kumin Myanmar official account ah $ 374 million bek lut a adangteng Than Shwe te innkuan leh akaih zatam teng i ipsungah lut hi.

Than Shwe tawh nekhawm valhkhawm lak ah mi theih deuh teng:

1. Northern Command Commander lui USDP minister Ohn Myint.
2. USDP General Secretary lui Maung Maung Thein.
3. Social Welfare Deputy Minister Brigadier Phone Swe.
4. Ministry of Defence a sem ngei, tu'n Communication and IT deputy minister Win Than.

Cihte kihel ci hi.

Tua banah Myanmar Economic Holding Limited leh Myanmar Economic Corporation in zong azuak si uh a, mimal ipsungah tampi guang uh ci hi.

Global Witness in a genna ah Kachin mipi in Kachin suang-eng pan kingah sum teng mah tawh, Kachin gam hong simsim hi ci in muangmawh uh ci in gen hi.

Guullu kito leh zong a tung ateng mah in liaktum ding uh ahihi.