Zogam ngahma hi taleh, ngah khit hitaleh, Democracy leh Federal ngahma hitaleh, ngah khit hitaleh, ikisap denden pen sumbawlna ahihi. Azai zaw in gen leng Economics, Trade, Business, Industry, Technology cih kuam teng tu a kipat i suaal det kul khol ta ahihi.
Tua thu ah zong a hun leh tuiluang i mat semsem kei leh, mite'n anusiat sa silbawlna khawng en bul pat saan kei cih zong om thei ahihi.
Tua banah nam dang gamdang te'n a deihloh uh ahih kei leh lauhuai asak uh silbawlna khawng kitang kha thei hi. Gentehna in Valvum meihol set bang mi 10 in nasep a ngahlawh uh hangin, i singkung teng khulmang sawm hi lel uh ahihi.
Tuamah bang a Guullu Project zong anuam huai abat hangin i neihsun hong kinektum leh deksi dawn sawm hi lel ahihi.
Tulai pawl khat in NGO leh Biaknalam buaipih uh a, tua zong ngaihsut huai pi khat om hi. NGO leh Biaknalam te bawl a gam khangto muh ding om nailo hi. Amau bel khangto uh hi.
Minam khangto leh gam khangto i ut leh leitunga lawhcing sa te lampi i zuih kul ding ahihi.
Minam tam hilo ihihmanin i minam bup in nitha leh khasum thalawh nasep sem mawk leng, i minam or gam GDP pen hong khang thei lo ding ahihi.
Atam theithei in sum i bawl a leh bek i GDP hong sang dinga, i tup i ngimte muibun tak a, kisem zo pan ding ahihi.
Khuahun leh leitung pen kikhel zatzat a, Zomi sunga kum 20 tungsiah te thugen leh thuhilhna zong upluat ding leh mailam a kizang thei ding tamlua khollo hi.
Kan cian ciatciat a thugen tawm mahmah sa ing.
Tua ahihmanin khuahun leh khang tuiluang nawhsa tak a kan ding kisam i hihi.
No comments:
Post a Comment