ZCD leh WZC Policy Vai

ZCD leh WZC Policy kibatna 2 genpak ni.

Chin pen Zomi tawh khek ding vai

Chin pen Zomi tawh khek ding ciin Pu Chin Sian Thang in gen a, tua pen WZC in kithukim hi. WZC Policy zong tuamah hi.

Autonomous Vai

ZCD makai Pu Gin Kam Lian in Autonomous neih ding vai gen a tua pen WZC in kithukim hi.

Chin pen Zomi tawh khek ding ahihmanin, Zomi pen Tedim kampau teng bek huamsak cih pen hi theilo suak hi. Tuaban ah Chin pen Chin state bek a om hilo ahihmanin, Chin state pua zong huam cihna hipah hi.

Autonomous pen Zomi cih theih hong om nawnlo ding ahihmanin, Tedim Autonomous or Ciimnuai autonomous district/region cih ding ahihi.

Thukhupna 

Chin pen Zomi tawh khel ding, tua Zomi siksan a Zomi State bawl ding, Tua Zomi state in Chin state pualam zong huam ding cih pen WZC policy ahihi.

Tua Zomi State pi thak sungah Tedim or Ciimnuai Autonomous tawh ei paulet kullo teng kihuaikhawm ding cih pen WZC policy ahihi.

Tua ahihmanin gam leipek tung ah WZC Policy leh ZCD Policy tonkhawm thei ding ahihi.

ZCD Policy tawh kisai Pu Chin Sian Thang gen Chin pen Zomi tawh khek ding vai, Pu Gin Kam Lian gen Autonomous leh affairs minister vai tawh kisai WZC muh daan leh khiat daan tua ahihi.

Tua ahihmanin ZCD pupite thugen leh thumeilet a party leh mipi in a pom leh tua thu ah WZC leh ZCD muhdaan kibang ahihi.

Tuadaan ahih kei leh lah policy kibanglo cihna hi.