AntiVirus company Kasperky leh Dutch police department kipawlin RansomeWare kici software gilo (Malware) i khakcip computer file te kihong kik thei ta ci in The Hacker News in den in tangko hi.
Computer ki hijack (Pianpiisuai) a sum 200-10000 kikal piak kei leh, kikalhcip sak theihna RansomeWare hangin, nungsung teng mimal leh company tampi buai hi. Zomi sungah zong kuama theih pihloh a buai simsim tampi om hih tuak hi.
A thuakkha te'n amau mimal bek thuakkha kisa in zum uh a kuamah theisaklo in, liau sim uh ci hi.
Tua RansomeWare khat bang pen FBI te kineih in, na tuacih tuacih hangin ,kumpi ah tuazah na liaukul, na liau masiah na file teng hong kikhak sak ding ci hi. Pawl khat in kumpi thukan FBI te satakpi in innkkuanpihte zong hilh ngamlo liau sim zong tam mahmah ci hi.
Ransomeware lak ah CoinVault leh Bitcryptor thang a, Kasperky leh Neitherland Police internet lam ten CoinVault server hack in encryption kibawl phelkikna decryption key te lak sak uh a, mipi ah tangko uh ci hi.
Tua ciangin migilo te'n RansomeWare update toto uh a, khang nihna ahi Bitcryptor kici khat bawl uh ci hi.
Nung kha sungin Neitherland police te'n mi 2 mankhia zo uh a, amau kiang panin decryption key 14,031 laksak in noransom.kaspersky.com ah koih uh hi.
Kumpi te'n ransomeware om cilin kuaman sum pia kei un cinapi, amau zong acih nang uh thei tuanlo uh ahihmanin sum hong nget uh leh pia phot un ci leuleu uh hi.
Tutunga penin hon khat hunkhia zo dinga lamen phot uh ahihi.
Tuate ma a CryptoWall ransomware kici bawlte in $ 325 million leitungbup pan damiah taih khia zo uh ci hi.
RansomeWare kidal nangin:
- Na AntiVirus Update denin.
- Website muanghuailote en kei in.
- Email leh attachment theihcian mellohte hong ngei kei in.
Hidaante pen Ex-Ploit kici a, tuadal den nanga hoih pen bel Malwarebytes Anti-Exploit ahihi.
RansomeWare bawl pen meet mahmah ahihmanin, a thakthak abawl hong kibehlaplap lai dinga, kumpi leh AntiVirus, Anti-Malware bawlte tawh hong kiviik toto lai ding uh hi.
No comments:
Post a Comment