Irrawawady magazine a Zomi nawkkha zek Article khat

Irrawaddy Magazine Friday, 15 January 2010 a Bo Bo Lansin gelh Professor Pe Thein tawh kisai article ah Zomite nawkha a agelh zek them om hi

Tua article pen Pe Thein ( also Ex . Health Minister) thu hi in Pe Thein pildaan thukhualdaan tuamtuam pahtawina cileng kikhiallo hi . Agelhpa/nu pen Zomi Ngeina Taangthu kawllai a aletkhia Luduh U Hla i tuu khat hituak hi. Athubulpi pen eitawh kisai khollo hi.

Ahizong thukongho'nna a agelhna ah amah pen 1988 buailai in Zogam ah Doctor in om 8888 mipi kitomna hong om ciang Democracy ngetna banah Minam muhdahna ( kawl huatna) zong hong om ahihmanin Zogam ah ki om ngam nawnlo  ahihmanin Health Minister Pe Thein kiangah Zogam puakkik nawn loh ding ka ngen, ci hi. Pe Thein in zong tuabang ( Kawl huatna) munte ah Kawl numeite  mailam ah posting loh dingin ahuampi a ding order suaksak ci in gelh hi.

Hi Doctor nu gelh pen aman zong hikha ding hi, ahizongin tuahunlai in Kawl minam muhdahna hilo in, minam tuam ahi Kawl in minam tuam mah ahi Zomi te sila a ukcip kideihlo hibek in kawl minam pumpi muhdah kihilo hi. Hih pen pilna nei khat ahi doctor nu in zong thei hi.

 Doctor nu i pano ( uncles) lak a khat pen Kawl kumpi Langpang CPB pawl ah lutin Bago Yoma ah si hi. Tua mah bangin apano khat mah ahi Pho Tan Kyaung pen tulaitak CPB spoke person hi in media tuamtuam ah a thugen leh a aw kiza zel hi. Tua bannah apu Ludhu U Hla pen mipi in a it mahmah khat hi lailai hi.

Cihnopna ah hibang background nei banah mimal mahmah zong doctor khat ahi Bo Bo Lan Zin in ni khat visitor 30,000 val bang apha Irrawaddy Magazine ah hibang in  Zomi hong khawnung kuih pen ngaihsut huai mahmah hi

Kawl laigelhsiam lak a minthang, ateekpen leh akizahtak pen khat ahi Dagon Tara in zong alaibu sungkhat ah Lokho Helna ( Taungtu Letamar Ayedawpone) pen a kap dingin Chin le Karen galkapte British kumpi in zang hi. , ci in gelh ngei hi.


Tua bang daan a i lawmte lungsim sungtawng om ahihmanin SPDC ahi zong , Kawl mipi  ahizong ei ading pilvang huai hi. 88 kum a mipi kapte pen Zomi battalionte hi cih thuthang tawh ngaihsut khawm huai hi.

Mailam ah Kawlgam sung buaina khat peuh hong om leh Kawlgalkap le Mipite khutthak siakna le molhtum ki hikha mawhlo ding.

Tua ahih manin Zomi thulaigil apaipi khat  i neih akul banah asungthu ah i kigalging kieukiau dending kisam ahihi.