Census vai gelh nawnlo ding kacih leh i Zomi Mipi Palai khat ahi Pu Lian Uk in Zonet, Blessed Zomi, Chinnet, Chinland news group tuamtuam a alaigelh tawh kisai muhdaan khenkhat gelh huai a hih manin, i ki hawm sawn hi.
Pu Lian Uk i gelhna pan ama patauhna le muhdaante anuai a bangin kikhen thei hi.
1. Chin pen record tuamtuam ah omsa ahih banah ei pen Burma pan ih hih manin Burmese Chin ki cih ding cih ahihi.
2. Zomi cih official a ciaptehna recognise omnailo a i campaign san laitak ahih manin tu tadih a cih hoih nailo a Official a khensatna hong om hunhun a zat pan ding ahihi.
cihte ahihi.
Hih tawh kisai kei muhdaan le asuut ding daan pen baih sa mahmah ing.
1. Zomi cih pen official record ah om nailo ahih manin a om theih nangin tutungah i pulak ta ding hi.
2. Zomi cih i campaign ( cialpi) sawta a tutung2010 in hong ki recognise ta ding ahih manin Mipuang/ Mivom/ Minai te i Official Record bawl bek ciang a "Zomi" kici nuam te'n 2020 ciang Zomi kici thei ta ding ahih manin khawmuhna lam a a tuantual zaw deuh i laizom mimal tampite kum 10 advance in muak( Welcome) khol ciat ding ahihi.
Mipi Palai- MP khenkhatte hibang a tuantualna pen ahi diam, ih tuantualna cih nop huai phial hi.
No comments:
Post a Comment