Galkap Election Commission ah kihel Zomite tawh kisai

Kawlgalkap te'n election commission ah kihel dingin Zomi khen khat sehta cih i za ciat ahihi.

Union level ah Pu Ba Maung kihel ding cih tawh kisai kei muhna ah hoih sakik bilbel ing bang hang hiam cih leh amah pen history lecturer khat ahih ngei bannah tu mahmah a zong history Research Commission ah na sem ahih manin 2010 Nargis kitelna pen asia apha historical view tawh anai pen mun pan in na en thei ding ahihi.

Ni dang ciang 2010 pingpei election tawh kisai limtak dot theih ding leh agelh kik thei  ding khat ahihi.

Saya Ba Maung pen kei mimal theih khakna ah,  Chin Magazine 1994 bawllai in Mandalay Universitiy Scrutiny Committee ah phalna lak masak kul ahih manin amah pina tawh kava pai kawikawi uh hi. USC ah pen Myanmar Language Department, Physic Department le History Department a Professorte kihel ahih manin agenhak mahmah leh aki phasak mahmah Myanmar Language Department pen Pu Ba Maung in hong kuan pih in akisam bang hong gen pih ahihi.

Tua mun a ciapteh ding khat bel Myanmar Language department ah magazine thului file kava lui uh ciang, tua department a lecturer gawnggekgak khat in,  Pu Ba Maung kiang ah " Chin Shote bala shote pian da le( Mi Nawngkai/kibuaisaktawm Chin pa bang hong hih na hiam?)  ci  hi. Amau pen lecturer ciatciat kimai ngap a ki ciamnuih hilel in um ing. Ahizong tua pen  ki ciamnuihna ahih kei leh bel ngaihsut huai thu pawl khat om cihna ahihi. Hih bel amah tawh kisai theih khak kong gelh zual ahihi.

Union Election Commission  mah  bangin State, District, Township level cianga kihel teng in zong tutung election pen limtak ciamteh a, ni dang hunlem a om ciang, mipi kiangah a thuman hilh kik ciat le uh phatuam mahmah ding ahihi.Village le Circle level a kihel te'n zong mit a muh, bil a zak bangbang laitawh akician a ciamteh sim in koih khinkhian leng ni dang ciang hong manpha mahmah ding ahihi.

Bang hang hiam cih leh galkap te'n vote khempeuh amau lam ah kia sak ding a, lametna tampi a om man ahihi.

Kawlgalkap te'n bel a utut in hih ding uh a , mipi in gal et bek hong hi phot ding hi. Ahihangin anung ciang election zuau thu ahihlam, tetti hong kisam mahmah ding ahih manin, eletion commission a kihel kha ngei teng hong poimawh mahmah ding ahihi.