Politic khawhun June kha pan ki hei ta ding

Ih theih sa tek mah bangin Gamsunga om UNA le NLD in party registration bawl lo uh ahih manin 2010 kiteelna boycott cihna hi pah hi.

Ceasefire dinmun a omlai KIO,UWSP,NMSP le SSA (N) le SSA (E) in zong 2008 constitution ah federal union a kibelpawl ding hi hang,  ci in  thusung mah le uh Kawl kumpi in pomlo ahih manin, 2010 kiteelna boycott ding uh cih ahihi. Tua hang mah in  Border Guard Force-BGF a ki tuiphum ding zong nial uh hi.

Kawl tawh ki kapkap lai ahi NDF a kikhaikhawm Mualgam Galkap teng in zong 2008 constitution le 2010 election suksiat ding thu puang khin uh hi.

Tua ahih manin Party Registration nitawpni pen May 7 ahih banah Ceasefire galkapte hun tawpna piak pen April 28 ni ahih manin June kha khong a ki pan politic pai daan abeisa tawh kilam dangna tampi hong om ta ding ahihi.

Tua ahih manin Zomi te'n zong politic thu kawng kihei ah lampi ih sik khialh leh lam khang kideng na ding ih hih manin, tu sawng teng pen mitvak bengvak hun ahihi.