Tulai politic omzia en le hang 2008 constitution dungzui a tukum sung in election bawl ding cih ahihi. Tua tawh kitonin election commission bawl in thukhun zong suah uh a, kha nih ( ni 60) sung a election lutnuam party teng in register bawl ding cih ahihi.
Atunga thutawh kitonin mimal khenkhat le party khen khat in 2008 thukhun pom a election lutsawm ngeingai uh cih zong ih za ciat hi.
Ahizongin athupi penpen thu khat, mipi in i ngaihsun ding hong phawksak nuam ing. Tua in bang hiam i cih leh 1990 kum mipi deihdaan a palai kiteelna pan i teel khiat ZNC,CNLD le Zomi palai atam zaw majority in 2008 thukhun a pomloh banah 2010 election boycott sawm uh hi.
Hih in bang gen hiam cih le, 2008 thukhun pen i makai te'n Zomi le Zogam maban ding tawh a etkak uh ciang hoih salo, nial uh ahih manin 2010 election zong lutsawm lo cihna ahihi. Tua ahih manin Zomi le Zogam in zong 2010 election boycott cihna hipah hi.
Zomi te'n Kawlte tawh kipawlnuam in kipawlna ahi Federal Constitution bawl ding kingen mah tase leh Kawl kumpi in Zomi tawh kipawl ding utlo in Kipawlna "Belpawlgam Federal Union" nial uh hi.
Tua ahih manin Zomi le Zogam in ut in ut kei leng ei le ei ikhe a idin, hong kul ta ahihi. Lung neu huai mahmah hi. Ahizongin naungek khoi a hong kikhoi ding i ut niloh sangin, ei le ei lampai kisin leng mailam saupi a ding ahoih zaw tammaw cih ngaihsutna zong om veve sa ing..
No comments:
Post a Comment