Politic bekbek zong khat veivei ni'n huai in thu dang khah dih ni.
Tuhun ciang computer zatna nengneng hong tam se in, computer nei khin peuh leng avan akim ih sak leh na hih dek suai lo mawk hi. Azat theih nang software tuamtuam kisam niloh in, atawm pen a Microsoft Office bek neihloh a phamawh hih tuak hi.
Kei zong tuma kha 10 khong a Best Buy pan computer a kiman te khat ka lei guap pong hi ven, internet khong bel kingah lel in, lai gelh, laibawl tuamtuam akisap ciang Microsoft Office hong kisam phing ahih manin , lei ding ka sawm leh dollar 500 khong tung tuak mawkin , leilo a ka om cip leh nate lem het lo hi.
Internet ah "Free Microsoft Office" ci a ka zon pong leh Microsoft Office compatible Open Office cih na om a , bang hiam ci a ka et cian leh Open Office pen MS Office daan na zat theih hi in, a Free a ki download thei na hi lai zang hi. OpenSourcete bawl hi in amau pen leitung bup software free a bawl khia a, mipi lak ah hawmkhia na himawk uh hi.
Tua Open Office download ka sawm leh theih hak bialbual sa ing a, "Download Open Office" ci a google search ah ka zon leh site honkhat hong dawk in tua pan ka download leh baih peuh mah hi. Ei buai kullo in amau hong ziau hi. Amau kiang pan abaih a download sak tawh kiton in software dang download ding hong tell sak a , tua lak ah khat (Weather Bug) khawhun theihna ka download sak hi ven.
Open Office bel akinei ta ki suak ven, vel bel vel cian nai keng. Hoih lel in um ing.
Sum cil nuam le Open Office zang nuam limlim ih om leh sin huai hi.
http://www.openoffice.org ah download theih hi. Kei banga buai huai na sak leh google ah zong le cin a piasawnte kiang pan download le cin baih hi.
A hoih le hoih loh bel theih pih kengin, a sin nuam a om leh cihna hi in, hacker site khong pan na download khak leh bel, asia apha kei tawh kisai dih zen lo ai maw.
No comments:
Post a Comment