Tu nung May 30,2010, Saturday ni in US Eastern Time 7:00 AM pan 3:30 PM dong, dak 8:30 sung vingveng Zomi Politic leh awlmawh thudang tuamtuam tawh kisai holimna kibawl in, ka upmawh sangin thupi le nuam zawzen ahihi. Nung saturday ni ding hi mah hiven, Online Conference zatdaan kisiam nailo ciat ahihman in, kilamlahna leh mi a tamzaw hong lut thei tuan mahmah lo ahih man in, ki postpone phot a tutung ki bawl thei ngawngaw pan ahihi.
Tutung in zong pankhawm diamdiam tawh mi tampi hong online thei ta ahihmanin, tua bek mahmah zong kal thak su'anna khat in ngaihsut theih ahihi. Banghanghiam cih leh Zomite gam tuamtuam bek tham loin continent tuamtuam dongah, kithehthang ta i hih manin in, kimaituah a holim khawm ding zong hong baih nawnlo a, online khong mah suanga vaigeel khawm hong kul in, Online Conferencing Technology khong mah i zat ngeingai theih hong kulta ahihi. Tua tawh kiton in, tutung in zong zat theih ding kisin ngeigneai ciat i hi a, tua mahmah zong khantona khat hi, ka ci nuam hi.
Mai lam ah hih technologyte zangin Zomite meeting room khat ah tukhawm banga, vai kihawm thei ta ding ahih manin Tinychat zong paktat huai ahihi..
Tutung holimna pen amau tumtak tek a awlmawh leh kimu khapak teng online kah a holimna hilel in, mi pawl khat in bang lamdang sa phial ding ahihi. Ahih hangin Minam dang le gam tuamtuamte in hi bangte a na neih uh sawt mahmah ta in, zong na phattuam pih mahmah khin ta uh hi.
Tutungin mi atamzaw muhna ah 1. Gam le Nam Politic ( National Politic) asai taktak ding Political Forum khat kisam hang cih leh 2. Media lam ah i hat ding cih thubulpi nih ki genkhawm ahihi. Pawl le Party cih bang hilo ahih manin "Official Meeting Resolution" cih bang om kei ta mah leh muh khiatna nih bel kinei cihna ahihi.
Meeting Coordinator dingin hong seh uh a, bang pawl, bang vai hi zel ding hiam? ci a, acil in ka thupisim khol kei hi. Ahizong in akisam khat ahihlam ka theih man in, Meeting conductor/chair kana sepsak ahihi.
Refugee Puaisa semnuam mawkmawk lel khong leh gamlenam minsuanga NGO le Kumpi Fund tuamtuam peipuang (Yikesar) nuam khawg hi lel un teh, ka cih a leh tua bang na hisam lo in, a awlmawh le avei taktak mitampi mah ana om lam ka mukhia ahihi.
]
Tua ahih manin mailam ah picing le nonel tak a ki kup tohtoh lai ding hoih asa photphot ka hihi.
No comments:
Post a Comment