Tuni Holimna

Zomi Public Roundtable ( Zozum) holimna ci a kihona pai toto tuni pasian huhna tawh lawhcing takin kibawl theikik bilbel ahihi.

Nung a agenda ahi Zomi politic platform khat neih ding leh media vai kikupna kinei thei in tha ngah huai mahmah hi.Media vai pen kitam kup manlo in Platform vai in hun atamzaw hong bei hi

Zomi platform khat neih ding cih thu ah apaikhawm tamzawte muhna ah politic taktak agennuam agenngam le panla nuam pawlpi le mihing kitawm in asem om hi leh bel anungthuap nuam tampi om cih kiphawkkhia cih ding ahihi.

Tua agenda tungtawn a kikupna ah ZNC (LA) min tawh sem ding maw? independent a kipawlna khat bawl in sem ding cih nakpi le nonel takin kikupna om in khensat cianna bel kinei nailo in mai kaal a dingin ki sunsiah lai ahihi. Ahizong in hi banga holimlim pong tawh bang mah hong piangkhialo in hong sawt leh muihtum zel ding cih ngaihsunna om ahih manin Zozum Committe ( Tempory) cih min khat nuai ah ki khaikhawm phot a mailam vai geel tohtoh ding in ki khen sat ahihi.

Temp Committee a minguangte pen a mimal ciat ah confirm kila pha ding a a utlo te kiphiat kik dinga, a ut teng a sian ciang amin list lawm te'n kisam asak uh leh hong kikhahkhia ding ahihi.

Hun hamsa ciat kawmkal ah hun ding geeltawm a kipia ahihi. Bangmah phattuamna kilemlawh hi tuanlo ahih manin, kuamah lung hi mawh dah ni.kei bang ka driving test ( written test) exam akiat lawh hi ing. Nung 2008 december 22 ni vuukkiat cil ni 224 highway ah mawtaw taalsak kha inga , tu a law examkik hongkulin meeting lah nai man thei mahmah lo lai lah ki en manlo meeting zawh phet leh tai teta ka phi leh ongdek tak zo bek cih ding ahihi.

Tua bek zong suplawna khat hong hipah ahihi. Tu kha nau nei ding kihi ahih cianga driving licence hong poimawh mahmah ding ahih man in poi mahmah hi.US khongaah innlam banga veng le pam u le nau tawh pangkhawm liailiai cih bang om theilo in na khempeuh ei lei i lubuk kipuak himawk in, baih kei veve ei guai!