UN Security Council ah Zomi le Burma thu genkhawm ding

UN Security Council ah tuni Zomi le Burma vai gen khawm ding uh cih kiza ahihi. Zomi le Burma thu a kigenkhawm loh sawt sim ta in, tutung Britain gam in chair alak laitak hong kigen kik opan ahihi.

Zomi sung leh Myanmar uksung bup ah sham election khat bawl a Kawlmang te'n pheituam asuah sawm laitak ahih ban ah Zogam Kalaymyo khua ah Zomite makaihna tawh kipuangkhia Kalay Declaration hong minthang laitak le, Nobel Laureate Aung San Suu Kyi hong kikhah kik laitak ahihmanin, Burma vai genkhawm ding kisam sa uh hi leh kilawm ahihi.

Aung San Suu Kyi in zong Zomi deihna siksan a kibawl Kalay Declaration support in Second Panglong Conference neih ding thukim ta ahihi. Burma ukna nuai a kia Zomi le minam tuamtuam, mipi a ding in Second Independence gimnam zaw deuh ta cih ding hi lo hia mate.