Zomi Movement le Mizoram

Kawl ukna nuai a Zomi le adang te'n movement lian khat peuh kipan or i bawl ciangin, i phaitamlam ah thubuai khat peuh paulap in Zomi or Kawlgammite tungah bawlsiatna khat peuh om den ahihi. Hih pen khat veivei a nung pan a vaisai pawl khat or pawl khat sang tamzaw om hiam, cih nop huai phial ahihi.

2003 kim pawl in zong Zomi te'n Mizogam bulphuh in nasem kipan in ki om a, maban limtak zom ding,a kicih laitak Mizo naupang khat Kawlgammite'n buan ci in, Zomi le kawlgammi khempeuh ganhing banga hawlkhiatna pawipi khat Unau Mizo te' bawl ngei ngei uh ahihi. Tua numei buana kingawhpa pen, Mizoram a piang Mizoram buai ciang a, Kawlgam a tai, tua zawh cianga Mizoram a tengkik khat ahihi. Mizoram mi diktak hizaw ahihi. Ahizong in, Burmami ci pong in zawng nek ngau in thuak, nang na hih kei leh napa, cih daan pian in Kawlgam uksunga om Zosuan teng in kithuak ahihi.Amah pen Mizoram mi ahihhang Burma pan gamtat hoihlo teng hong ciahpih cipong uh ahihi. Mi khenkhat genna ah Gunkhawm saksiah ah No 4 zang masa penpente Mizote hi in, Tahan a No.4 thehthang masa pen Kawlte leh Mizote ahihi, numei paktat masa zong amau pat mah hi ci a ,   tangthu tuanthu thei pawl in a gen zong om uh hi

2010 tutung in zong Zomi National Congress makaih in Khawlpi khua ah makai tuamtuamte kikumkhawmna pan " Kalay Declaration " hong piang khia cih ih theih ciat ahihi. Hibang teng tawh Zomite politics lam ah so litlit a aki om  laitak, Mizoram ah hawlkhiatna pawipi khat hong om leuleu  zel ahihi.

Kawlgalkap kumpi in Zomite khantoh le movement hat ding a deihlo lam pen, ih theih ciat ahihi. Tua ahihman a, Zomite siksan theih Mizoram pan game bawl a, siksan theih loh nang hong dal khol zong hi kha mawhlo ding ahihi. Tua naupang buanpa pen mipi in thatlum pah ci in, tua zong ngaihsun huai khat ahihi, kawlgammi khat thatlum suk in, asih khit ciang 'hipa in mi buan ' zong cih ziau theih ahihi. Abeisa hunlai in zong Mizorammi khat in kum 3 naupang khat buan in , tuapa Mizoram pan kihawlkhialo ahihi. Kuamah in thulianlua in zong gen beeklo uh ahihi.

Tua ahihmanin Kawlte le ikiim ikiang unau khenkhat in hong haza mahmah gige ahihlam, phawk hunta ahihi. Akisam le vuicing zaw deuh in nidang ciang kikum ni in, tu le tu in hi zah pau phawt ni.