Tuni Myanmar Colonial Newspaper "Kyemon( The Mirror)" ah Major General Myint Soe pen, January 15 le 16 sung, Zogam zin in, mun le mual teng ah vak kawikawi ci in, kigelh hi.
Bo Myint Soe pen, Kawlkumpi milimneu Hung Ngai ( Boxing) tepawl in, na vai dawn in, Kalaymyo, Falam le Halkha khuate ah hawhpih koikoi, ci hi. Tua bang a Myint Soe zinna ah, Myanmar Army in khangto nang a, nasemna tuamtuam aneihte uh, va vil kawikawi ahi, ci in zong Kyemon ah kigelh lai ahihi.
Zomi kawl kumpi nasem khat in, " Pute ( Kawlgalkapte) hong hawh ciang, zindona in kumpi nasemte kigim mahmah hi, Kawl ahih mah bang vua, uisan thei mahmah in, anhuante bang gim thei mahmah in, aciah khit uh ciang, hamsiat phuisam keei liang uh hi. Khangtona acih pong uh hang, bangmah khangtona hong sem peuhmah lo uh hi, picnic pai hilel uh hi. Nitak lamciang nungak zo'n sak kul lai in, lungkhamhuai thei peuhmah uh ei, tutunga Pu Su ( Myint Soe) hong hawhna zong tua bang mah hilel ee" ci in guitam hi.
Myanmar Army in 1962 kum a kipan, Zogam vaihawmna len uh a, ahizongin, tunitan Zogam ah factory khat zong om nailo ahihi. Lamipite zong angei mah bang lai a, nungdeuh a CCJ bus accident ah, Zomi 17 siteltal ahi hi. Zomi atamzaw pen, tuma kum 10000 lai mah bang in, lokhomi kihi lai in, adangteng pen, gamdang ah Kuli Mantawm ( Cheap Laborers) in ki om ahihi.
Myint Soe khualzinna ah, Zogam khangto nang project thak, a vaihawmlam Kyemon ah kigelh omlo hi. January 15 ni in, Zogam Kalaymyo, January 16 ni in Falam le Halkha ah vak kawikawi in, tua zawh ciangin agam ahi Kawlgam zuan in, ciahkik lel hihtuak ahihi.
No comments:
Post a Comment