USA in Zomi thusu'n hong panpih ta

January 19, 2010 ni in, US Secretary of State Hilary Clinton in, Kawl makai Aung San Suu Kyi phone tawh hopih in, Aung San Suu Kyi makaih, tulai tak a democracy movement pen, USA in kong panpih toto lai ding uh hi, ci in gen hi.

Zomi thusu'n a hi " Second Panglong Conference" vai pen, Aung San Suu Kyi tungah, Zomi makai Pu Chin Sian Thang in, apkhia khin ta in, tua Conference bawl nang pen, tulaitak Pi Aung San Suu Kyi vaipuakpi khat ahihlam pen, Mrs.Clinton le USA in, theician mahmah uh ahihi. Tua ahihmanin, Zomi le Zogam thusung ahi, Second Panglong Conference pen, USA in hong support cihna hipah ahihi. USA policy pen Zomi lam ah hoi lai cihna zong hipah ahihi.

USA nangawn in eilam ah, hong support ahihmanin, Zomi akuamah ciat in, Second Panglong Conference piangkhia zo nanga, hanciam laitak ahi, Pu Cin Sian Thang le Pi Aung San Suu Kyi pen, akisam bangbang a, i nungthuap ding hun, hong tung leuleu ta ahihi.

Zomi tangthu Zomi mah in gelh toto ni, ci'n i kizawn hi.

Zo Khup