Nunglam kal nih khonga kipan Yangon Command nuai a Kawlgalkapte sungthu ah buaina khat kipan in, tu'n thulianpi suakta hi tuak hi.
Kawlgalkap sungah khasum khamlohna le, kisimmawhna uanglua ahihmanin, galkap lubokte lungkimlo in, Yangon kiim le kiangah lungphona nei uh hihtuak hi. Ahizong in atungsiah in alungkim zah vua, buainate bawllem pihlo ahihmanin, tu'n Mawbi, Inntakaw le Yemon a galkapte in, Yangon Command Heaquaterspi umsawm uh hi, ci in Freedom News le BBC in April 17 in gelh uh ahihi.
Yangon Command len ngei, Lt.Gen Myint Swe in awlmawh in palai semsawm mah leh, galkapbu hinawnlo ahihmanin, Commander thak Thein Tun in zahtak le thula nuam mello hi, kici hi. Yangon Command lenthak Tun Thein le Kawlgalkap miiklupi Min Aung Hlaing te'n hih vai pen, sumitzo ding in ka um kei hi , ci in kawl officer lui khat in gen hi.
Kawl MI officer lui khat i blog ah, Myanmarian san thum ( Sergeant) khat in, khakhat in 60000 khong bek sang in, tua lak ah tangval ahih le 15000, papi ahihleh 10000 kholsak cipong in, khasum pan ki dawkkhiat uh ci hi.
Tangvalte bang pen paulap tuamtuam tawh, akhasum uh cut behbeh in, niangtui man nangawn siit zolo uh ci hi.
Papite bang pen tungsiah te'n, 10000 avalk sak khit uh ciang, tate tuition man teng piakhia le uh, nek ding nangawn omnawnlo phialphial kici hi. Class 10 tuition fee 15000, 8 tuition fee 8000 bang tung hihtuak hi. galkap ahih uh hang in, tu le tate pilna siamna mah deihsak uh ahihmanin, tuition khong mah kahsak loh theihloh hi, ci uh hi. Kumpi sangah akah sak uh hangin, Sangsia te'n sum duhlua uh ahihmanin, sangah limtak hilhlo in, private tuition hunbek ah,limtak hilh sese uh hihtuak hi.
Hibang dinmun ahihmanin, galkapte zi le ta te'n apualam ah nasem in kuan uh a, galkapte zii hibek mawk uh ahihciang in, pilna siamna zong anei tamsamlo uh a puansop, sing eek, leipua leito, cih bang peuh ngahzo uh ahih ciang in, nitha tawm a buhciim khong bek mah nezo uh , kici ahihi.
Khen khat ngial bang numei kizuakna ah, va kidawh in a pasalte un atheih uh hang, gilpi kitom lauzaw uh ahihmanin, paungamlo uh a kitheihmawhbawl uh hih tuak hi.
Tua ahihmanin, Yangon Command nuai a, ngapik lubok te'n nunglam in, SUHSAUNG NGWE kici, khasum pan a kholsak ci a, khakhat 10000-15000 ki cut den pen piakhia dinga, ngenkik uh hihtuak hi.
Ahizong in NEIPI TAW le Yangon Command in, piakhia nuamlo uh ahihmanin, kawlgalkap lubokte lungkim lohna hong puakkhia hihtuak hi.
NEIPI TAW le Yangon a Kawlgalkap Miiklu ( Generals) te'n, hih thu pen apualam ah kehkhialo dinga imcip le a selsel uh hang, buaina nasia tektek a media ah hong dawk zeuh zeuh kici hi.
Zomi khenkhat in bel hih thu pen, zuau thu hi in teh Kawlgalkapte thumang thei mahmah uh, ci iuh a, khenkhat in bel banghiam khat buaina pian khat mah, om kei le media te'n mawk gelhsam kei un teh ci uh hi.
Kawlgalkap sungah khasum khamlohna le, kisimmawhna uanglua ahihmanin, galkap lubokte lungkimlo in, Yangon kiim le kiangah lungphona nei uh hihtuak hi. Ahizong in atungsiah in alungkim zah vua, buainate bawllem pihlo ahihmanin, tu'n Mawbi, Inntakaw le Yemon a galkapte in, Yangon Command Heaquaterspi umsawm uh hi, ci in Freedom News le BBC in April 17 in gelh uh ahihi.
Yangon Command len ngei, Lt.Gen Myint Swe in awlmawh in palai semsawm mah leh, galkapbu hinawnlo ahihmanin, Commander thak Thein Tun in zahtak le thula nuam mello hi, kici hi. Yangon Command lenthak Tun Thein le Kawlgalkap miiklupi Min Aung Hlaing te'n hih vai pen, sumitzo ding in ka um kei hi , ci in kawl officer lui khat in gen hi.
Kawl MI officer lui khat i blog ah, Myanmarian san thum ( Sergeant) khat in, khakhat in 60000 khong bek sang in, tua lak ah tangval ahih le 15000, papi ahihleh 10000 kholsak cipong in, khasum pan ki dawkkhiat uh ci hi.
Tangvalte bang pen paulap tuamtuam tawh, akhasum uh cut behbeh in, niangtui man nangawn siit zolo uh ci hi.
Papite bang pen tungsiah te'n, 10000 avalk sak khit uh ciang, tate tuition man teng piakhia le uh, nek ding nangawn omnawnlo phialphial kici hi. Class 10 tuition fee 15000, 8 tuition fee 8000 bang tung hihtuak hi. galkap ahih uh hang in, tu le tate pilna siamna mah deihsak uh ahihmanin, tuition khong mah kahsak loh theihloh hi, ci uh hi. Kumpi sangah akah sak uh hangin, Sangsia te'n sum duhlua uh ahihmanin, sangah limtak hilhlo in, private tuition hunbek ah,limtak hilh sese uh hihtuak hi.
Hibang dinmun ahihmanin, galkapte zi le ta te'n apualam ah nasem in kuan uh a, galkapte zii hibek mawk uh ahihciang in, pilna siamna zong anei tamsamlo uh a puansop, sing eek, leipua leito, cih bang peuh ngahzo uh ahih ciang in, nitha tawm a buhciim khong bek mah nezo uh , kici ahihi.
Khen khat ngial bang numei kizuakna ah, va kidawh in a pasalte un atheih uh hang, gilpi kitom lauzaw uh ahihmanin, paungamlo uh a kitheihmawhbawl uh hih tuak hi.
Tua ahihmanin, Yangon Command nuai a, ngapik lubok te'n nunglam in, SUHSAUNG NGWE kici, khasum pan a kholsak ci a, khakhat 10000-15000 ki cut den pen piakhia dinga, ngenkik uh hihtuak hi.
Ahizong in NEIPI TAW le Yangon Command in, piakhia nuamlo uh ahihmanin, kawlgalkap lubokte lungkim lohna hong puakkhia hihtuak hi.
NEIPI TAW le Yangon a Kawlgalkap Miiklu ( Generals) te'n, hih thu pen apualam ah kehkhialo dinga imcip le a selsel uh hang, buaina nasia tektek a media ah hong dawk zeuh zeuh kici hi.
Zomi khenkhat in bel hih thu pen, zuau thu hi in teh Kawlgalkapte thumang thei mahmah uh, ci iuh a, khenkhat in bel banghiam khat buaina pian khat mah, om kei le media te'n mawk gelhsam kei un teh ci uh hi.
No comments:
Post a Comment