Gamgi Cing Galkap ( Border Guard Force- BGF) thukimlohna hang in, Kawlmang le Kachin Independence Organisation- KIO kikal, 1994 kum a kipan Ceasefire Agreement aneih uh sia khinta ahihi, tu'n KIO le Kawlmang kikal kithukimna thak a om theih nang in, Kachin Baptist Convention-KBC pan Rev. Saboi Jum in hanciam leuleu hi, ci in Kachin News in report gelh ahihi.
KBC tanupi a semngei banah Shalom Foundation phuankhia Rev. Saboi Jum in, kha 8 sung vingveng KIO le Kawlte kikal kizopna kitasat pen, kizomna a om kik theih nang in, alang nih tuak uh lemtuah in buai mahmah hi, ci in Saboi Jum naihuai lam te'n gen hi.
Tukum Kachin Revolution Day in KIO makai Lt. General Gauri Zaw Seng le Lt. Gen Inban La Aung tawh Thailand ah va kiho hihtuak hi.Nungkum August 22 ni kipan Kawlgalkap le Kachin Galkap kikal, kihona om nawnlo in, akap masa khial zaw ding ci in, kipang tuak uh ahihi. October 15 ni a kipan, Kawlgalkap in Kachin galkapte pen migilo (Insurgents) ci in, media ah gelh kipan uh ahihi. Tua mah bang in KIO in zong Kawlgalkapte pen migilo mah in koihkik uh a, kipang uh ahihi.
Rev. Saboi Jum pen kilemna palai ahih hang in, KIO le Kachin mipi deihna gum zawlo a, Kawlgalkap nuai ah lut ding bekbek KIO holhthawh den khat ahihi. August 30 ni ciang, KIO in kawlmang khutnuai a kipiakkhiat ding hong anial a kipan, Rev. Saboi Jum le anaupa Khun Myat in KIO gensiat dikdek hong kipan uh ahihi.
Rev. Saboi Jum pen kilemna palai ahih hang in, KIO le Kachin mipi deihna gum zawlo a, Kawlgalkap nuai ah lut ding bekbek KIO holhthawh den khat ahihi. August 30 ni ciang, KIO in kawlmang khutnuai a kipiakkhiat ding hong anial a kipan, Rev. Saboi Jum le anaupa Khun Myat in KIO gensiat dikdek hong kipan uh ahihi.
Tukum February 6 ni in, Thailand gam Changmai khua a om, Kachinte kikhawmna ahi Wunpawng Christian Church-WCC ah Rev. Saboi Jum in Zeisu nungzui Christian te'n, hong uk kumpi langpang lo a, hoih in hoih ta kei le uh, suulzuih ding ahihi" ci in pasian thu paulap in sermon pia hihtuak hi.
Rev. Saboi Jum pen 1994 kum a, KIO le SLORC/SPDC tawh kikal ah , kilemna thuciam piangsak zo ahihmanin, Kachin mipi te'n minam honkhiapa khat in, muang ngei uh ahihi. Ahizong in tu'n bel Kachin minambup sila khuukpi sunga api sawm satan mizat khat in kimu ta hi, ci in Kachin News in gelh hi.
Rev. Saboi Jum pen 1994 kum a, KIO le SLORC/SPDC tawh kikal ah , kilemna thuciam piangsak zo ahihmanin, Kachin mipi te'n minam honkhiapa khat in, muang ngei uh ahihi. Ahizong in tu'n bel Kachin minambup sila khuukpi sunga api sawm satan mizat khat in kimu ta hi, ci in Kachin News in gelh hi.
Kachin le Kawl kikal puaisar asepna hang in, Rev. Saboi Jum pen anini in, neihsa lamsa khang hanhan in, a mimal in nuamsa lawh mahmah bek ahihmanin, gamsung gampua Kachin mipi te'n awi hetlo hihtuak hi.
Thubehlap
( Zomi khenkhat in amin mahmah zong "Sa" tawh kipan ahihmanin "Satan" tawh atap uh kibang hi in teh, peuh ci zanzan uh ahihi.)
No comments:
Post a Comment